قر ەڭبەك جەنە حالىقتى ەلەۋمەتتٸك قورعاۋ مينيسترٸ سەرٸك شەپكەنوۆ مٷمكٸندٸگٸ شەكتەۋلٸ بالالاردىڭ تۇرعىن ٷي كەزەگٸنە تۇرۋ قۇقىعىنا قاتىستى جاڭا نورمانى تٷسٸندٸردٸ, دەپ حابارلايدى قازاقپارات.
«مٷگەدەكتٸگٸ بار بالانى باعىپ وتىرعان وتباسىلار تۇرعىن ٷي كەزەگٸنە تۇرا الادى. ەگەر ول 18 جاسقا تولعانعا دەيٸن باسپانانى الىپ ٷلگەرمەسە, ونىڭ كەزەگٸ جويىلىپ, قايتادان مٷگەدەكتٸگٸ بار ازامات رەتٸندە تۇرۋى كەرەك ەدٸ. قازٸر زاڭ جوباسى ارقىلى بٸز سول كەزەكتٸلٸكتٸ ساقتاپ قالۋ جٶنٸندەگٸ نورمانى ەنگٸزٸپ جاتىرمىز», - س. شەپكەنوۆ ورتالىق كوممۋنيكاتسييالار قىزمەتٸندە.
«قازٸر پارلامەنتتە (سەناتتا) قارالىپ جاتقان زاڭ جوباسىندا تيٸستٸ تٷزەتۋدٸ ەنگٸزدٸك. ەگەر بالا كەزٸنەن كەزەكتە تۇرسا, سول كەزەك ساقتالىپ قالادى. بۇل قادامدار زاڭ جوباسىندا ەسكەرٸلگەن. 2025 جىلعا دەيٸنگٸ ۇلتتىق جوسپاردا مٷگەدەكتٸگٸ بار ازاماتتارعا قاتىستى بارلىق مەسەلەلەردٸ پىسىقتادىق», - دەدٸ مينيستر.
ونىڭ ايتۋىنشا, اتالعان زاڭ جوباسى بيىل قابىلدانۋى مٷمكٸن ەكەنٸن اتاپ ٶتتٸ.
ەسكە سالا كەتەيٸك, پارلامەنت مەجٸلٸسٸ «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ازاماتتاردىڭ جەكەلەگەن ساناتتارىن ەلەۋمەتتٸك قورعاۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن ماقۇلدادى.
اتالعان قۇجاتتى تالقىلاۋ كەزٸندە قۇجاتتا مٷگەدەكتٸگٸ بار بالانى تەربيەلەپ وتىرعان وتباسىلارعا بالا كەمەلەتتٸك جاسقا تولعاننان كەيٸن دە تۇرعىن ٷي كەزەگٸندە تۇرۋ قۇقىعىن ساقتاۋ كٶزدەلٸپ وتىرعاندىعى ايتىلدى.
«ٸس جٷزٸندە مۇنداي وتباسىلار تۇرعىن ٷي كەزەگٸندە 10 جىلعا دەيٸن تۇرادى. ەگەر بالا 18 جاسقا تولعانعا دەيٸن تۇرعىن ٷي الۋ مٷمكٸن بولماسا, وندا مٷگەدەكتٸگٸ بار ازامات كەزەككە قايتا تۇرۋعا مەجبٷر. بۇل نورما 20 مىڭنان استام وتباسىنا تۇرعىن ٷي كەزەگٸن ساقتاۋعا مٷمكٸندٸك بەرەدٸ», - دەدٸ سەرٸك شەپكەنوۆ.
