ەلٸمٸزدە 30 مىڭنان استام ەر ادام جۇمىستان باس تارتىپ, بالالارىنا تٶلەنەتٸن اتاۋلى ەلەۋمەتتٸك كٶمەك قارجىسىنا ٶمٸر سٷرۋدە. بۇل تۋرالى قر ەڭبەك جەنە ەلەۋمەتتٸك قورعاۋ مينيسترٸ بٸرجان نۇرىمبەتوۆ ايتتى, دەپ حابارلايدى "ۇلت اقپارات".
«جاڭا زاڭ اياسىندا تابىسى تٶمەن وتباسىلارعا اتاۋلى ەلەۋمەتتٸك كٶمەك تاعايىندالادى. سونىمەن قاتار, وتباسىندا ەڭبەككە جارامدى ادامدار بولسا, ولارعا جۇمىس ۇسىنامىز. ەگەر دە جۇمىسقا قابٸلەتتٸ وسى ادام قىزمەتتەن باس تارتسا, وندا اەك بٷكٸل وتباسىنا تٶلەنبەيتٸن بولادى», - دەدٸ مينيستر.
وسى ورايدا, ول قولدانىستاعى زاڭنامادا ەڭبەككە جارامدى وتاعاسى جۇمىستان باس تارسا, بٷگٸندە تەك ەڭبەككە قابٸلەتتٸ ادامعا عانا قاتىستى ەلەۋمەتتٸك كٶمەك توقتاتىلاتىنىن ەسكە سالدى.
«بٸزدە ۇسىنىلعان جۇمىستان باس تارتاتىندار ٶتە كٶپ. ەلٸمٸزدە تەپسە تەمٸر ٷزەتٸن 30 مىڭنان استام ەر ادام جۇمىستان باس تارتىپ, بالالارىنا تٶلەنەتٸن اتاۋلى ەلەۋمەتتٸك كٶمەك قارجىسىنا ٶمٸر سٷرۋدە. مەنٸڭشە, بۇل جاعداي دۇرىس ەمەس, ەر ازامات جۇمىس ٸستەۋٸ كەرەك. اتاپ ايتقاندا, ەگەر ول جۇمىسقا تۇرسا, ونىڭ وتباسىنا بەرٸلەتٸن اەك تٶلەمدەرٸ جالعاسا بەرەدٸ. جالپى, بٸز ەڭبەككە جارامدى ادامداردىڭ جاۋاپكەرشٸلٸگٸن ارتتىرۋدى ۇسىنۋدامىز», - دەدٸ ۆەدومستۆو باسشىسى.
بۇل تۇرعىدا ول ٶڭٸرلەرگە ساپارلارى كەزٸندە قانداي جاعدايعا تاپ بولعانىن ايتتى.
«ەكٸ ايدىڭ ٸشٸندە 15 ٶڭٸرگە بارىپ, حالىقپەن كەزدەستٸم. وسى ورايدا كٶپتەگەن شارۋا قوجالىقتارىنىڭ ٶكٸلدەرٸ ادامدار ۇسىنىلعان جۇمىسقا بارماي جاتقانىن ايتتى. ٶيتكەنٸ زايىبى 200 مىڭ تەڭگە اتاۋلى ەلەۋمەتتٸك كٶمەك العاندىقتان, وتاعاسى 100 مىڭ تەڭگەنٸڭ جۇمىسىنا كٸرۋدەن باس تارتۋدا. تٷركٸستاندا اۋقىمدى قۇرىلىس جٷرۋدە, الايدا ەر ازاماتتار 150 مىڭ تەڭگەلٸك جالاقىعا بارماي جاتىر. سەبەبٸ, ولاردىڭ وتباسىنا 200 مىڭ تەڭگە سوماسىندا اەك تٶلەنۋدە. جالپى, ەڭبەككە جارامدى وتاعاسى جۇمىس ٸستەگەنٸ دۇرىس», - دەدٸ ب. نۇرىمبەتوۆ.
