ٷكٸمەت باسشىسى اسقار مامين مەجٸلٸس ٶكٸلدەرٸنٸڭ «ەڭبەك» باعدارلاماسىنا بٶلٸنگەن قارجىنىڭ قىسقارعانى تۋرالى دەپۋتاتتىق ساۋالىنا جاۋاپ بەردٸ, دەپ حابارلايدى "ۇلت اقپارات".
مەجٸلٸس دەپۋتاتتارى ەلنۇر بەيسەنباەۆ, يۋريي جۋلين جەنە ەرلان سايروۆ پرەمەر-مينيستر اسقار ماميننٸڭ اتىنا «ەڭبەك» مەملەكەتتٸك باعدارلاماسىنىڭ شەڭبەرٸندە ميكروكرەديت بەرۋ مەسەلەسٸ جٶنٸندەگٸ دەپۋتاتتىق ساۋال جولداعان بولاتىن.
«ەڭبەك» باعدارلاماسىنىڭ نەسيەلەندٸرۋ باعىتى بويىنشا 2020 جىلى اۋىل تۇرعىندارىنا 43,3 ملرد تەڭگەگە 11 294 جۋىق نەسيە بەرٸلدٸ. وسى باعدارلاما اياسىنداعى بيىلعى جىلدىڭ بيۋدجەتٸ 20 ملرد تەڭگەنٸ عانا قۇراپ وتىر. ياعني, بيىل شاعىن نەسيە الۋشىلاردىڭ سانى 5200-گە ازايادى. پاندەمييا كەزٸندە, ۇلتتىق ەكونوميكا جەنە ەڭبەك جەنە حالىقتى ەلەۋمەتتٸك قورعاۋ مينيسترلٸكتەرٸنٸڭ كەرٸ پوزيتسيياسى بٸزگە تٷسٸنٸكسٸز», - دەي كەلە, دەپۋتاتتار شاعىن نەسيە بەرۋدەگٸ باستى پروبلەما كەپٸلزات قويۋ ەكەنٸن, بانكتەردٸڭ قالا ٸرگەسٸندەگٸ اۋىلدار بولماسا, شالعايداعى ەلدٸ مەكەندەردٸڭ حالقىنا نەسيە بەرۋگە قۇلىقتى ەمەس ەكەنٸن مەسەلە ەتٸپ كٶتەرگەن.
ٷكٸمەت باسشىسى ٶز جاۋابىندا «ەڭبەك» باعدرالاماسى بويىنشا بەرٸلەتٸن نەسيەنٸڭ كٶلەمٸ نەگە قىسقارتىلعانى تۋرالى مەلٸمەت بەرگەن.
«ەلدەگٸ قالىپتاسقان ەكونوميكالىق جاعداي شارتتارىندا باعدارلاما بويىنشا اۋىلدىق ەلدٸ مەكەندەردە ميكروكرەديتتەۋ ٷشٸن 2021 – 2023 جىلدارعا ارنالعان بيۋدجەت ليميتتەرٸ 20 ملرد تەڭگەگە دەيٸن قىسقارتىلعان. 40,3 ملرد تەڭگە كٶلەمٸندە قوسىمشا قارجىلاندىرۋ بٶلۋ مەسەلەسٸ 2021 جىلعا ارنالعان رەسپۋبليكالىق بيۋدجەتتٸ العاشقى ناقتىلاۋ شەڭبەرٸندە قاراستىرىلاتىن بولادى. بۇل اتالمىش باعدارلاما شەڭبەرٸندە شامامەن 10 مىڭ ميكروكرەديت بەرۋگە مٷمكٸندٸك بەرەدٸ», - دەلٸنگەن جاۋاپتا.
اسقار مامين شاعىن نەسيە الۋشىلاردى كەپٸلمەن قامتاماسىز ەتۋگە «اۋىل شارۋاشىلىعىن قارجىلاي قولداۋ قورى» اق جاۋاپتى ەكەنٸن ەسكە سالادى.
«كەپٸلدٸك ميكروقارجىلىق ۇيىمدار مەن نەسيە سەرٸكتەستٸكتەرٸ ارقىلى ميكروبيزنەس اشۋعا, جۇمىس ٸستەپ تۇرعان بيزنەستٸ كەڭەيتۋگە, اۋىلدىق ەلدٸ مەكەندەردە جەنە شاعىن قالالاردا كووپەراتيۆتەر قۇرۋعا ارنالعان ميكروكرەديتتەر بويىنشا بەرٸلەدٸ», - دەگەن پرەمەر-مينيستر ٸسٸن جاڭا باستاعان كەسٸپكەر مەن زەكٸرلٸك كووپەراتسيياعا قاتىسۋشىلار ٷشٸن كەپٸلدٸك سوماسىنىڭ 85%-ىن, جۇمىس ٸستەپ تۇرعاندار ٷشٸن – 50%-ىن, ال از قامتىلعان جەنە كٶپ بالالى وتباسى مٷشەلەرٸ ٷشٸن كرەديت سوماسىنىڭ 95%-ىنان اسپايتىنىن ايتادى.
