فوتو: okg.kz
نيەتقابىل بەركٸنباەۆ ەۋەلٸ اۋداندا شوفەرلىق كۋرستا وقىدى. 1970 جىلى جامبىل مەملەكەتتٸك پەداگوگيكالىق ينستيتۋتىنا وقۋعا تٷسٸپ, 1974 جىلى بٸتٸرەدٸ. ينستيتۋت قابىرعاسىندا جٷرگەندە بوكس سەكتسيياسىنا قاتىسىپ, سول قالاداعى وقۋ ورىندارى اراسىندا ٶتكٸزٸلگەن بٸرٸنشٸلٸكتەردە بٸرٸنشٸ ورىندار مەن جٷلدەلٸ ورىنداردى يەلەنٸپ, جەڭٸس تۇعىرىنان كٶرٸنٸپ جٷردٸ. 1972 جىلى جامبىل قالاسىنىڭ چەمپيونى بولادى. 1974 جىلى شولاققورعان اۋىلىنداعى №14 مەكتەپ-ينتەرناتقا قابىلدانىپ, مۇعالٸم جەنە تەربيەشٸ بولىپ قىزمەت اتقاردى. 1977 جىلى اۋداندىق بٸلٸم بٶلٸمٸنە كادر جٶنٸندەگٸ ورىنباسارى بولىپ قىزمەت اۋىستىرادى. سول جىلدارى لەندە بٶكەنوۆ, ساعىنتاي بايدٸلداەۆ, كٶپەي شەرنييازوۆ سيياقتى بٸلٸمدٸ, بٸلٸكتٸ باسشى ۇستازدارمەن تٸزە قوسا جٷرٸپ قاجىرلى ەڭبەك ەتەدٸ. اعالارىنان تەلٸم-تەربيە الادى. ەڭبەگٸ جانىپ, قازاق سسر وقۋ اعارتۋ ٸسٸنٸڭ ٷزدٸگٸ اتانادى.
– 2010 جىلى زەينەتكەرلٸككە شىقتىم. وعان دەيٸن وتباسىمىزبەن مال بورداقىلاۋ جۇمىسىمەن اينالىستىق. ول ۋاقىتتا ۇستازدارعا ايلىقپەن بالا-شاعانى اسىراۋ قيىنداۋ بولاتىن. ونىڭ ٷستٸنە ولاردى وقىتۋ كەرەك, كيٸندٸرۋ كەرەك, قالا بەردٸ ەرجەتكەندەرٸن ٷيلەندٸرۋ كەرەك. مەملەكەتتەن نەسيە العان جوقپىز. «بەرەكە» شارۋا قوجالىعىن اشىپ, بالالارىممەن بٸرٸگٸپ جۇمىس جاسادىم. وتباسىمدا تٶرت ۇل, بٸر قىزىم بار. قىزىم اناسىنا كٶمەكتەسەدٸ. ۇلدارىم قاسىمدا بولىپ, جۇمىستى باستادىق. شارۋا قوجالىعىنىڭ يەلٸگٸندە تٶرت تٷلٸكتٸڭ بەرٸ بار. قۇمداعى جامانايدا 400 گەكتار جايىلىمدى جەرٸمٸز, تاۋ بٶكتەرٸندە 600 گەكتار جەرٸمٸز بار. شولاققورعان اۋىلىنان 20 ادامدى تۇراقتى جۇمىسپەن قامتىپ وتىرمىز. ال, ۋاقىتشا ماۋسىمدىق ناۋقاندا 15 ادام كٶمەككە كەلەدٸ, – دەيدٸ نيەتقابىل اعا.
ولار وتباسىمەن «قايسار» ساۋدا دٷكەنٸن, «قايسار» جانار-جاعارماي قۇيۋ بەكەتٸن, «قايسار» ناۋبايحاناسىن اشادى, «قايسار» تويحاناسىن ٸسكە قوسادى. ۇلدارى جانتٶرە, اسىلبەك, كٷنتٶرە, جازىلبەك اۋدان, وبلىس كٶلەمٸندەگٸ مەدەني-سپورتتىق شارالارعا دەمەۋشٸلٸك جاسايدى. جانتٶرە جىلقىلاردى اسىلداندىرۋ جۇمىستارىمەن اينالىسىپ, ات سپورتى شارالارىنا قاتىسادى. اتبەگٸلٸك ٶنەرٸ دە بار. اسىلبەك «ٷش ارىس» قاۋىمداستىعىنىڭ سوزاق اۋدانىنداعى فيليالىنىڭ تٶراعاسى.
بٷگٸندە نيەتقابىل بەركٸنباەۆتىڭ 75 جاسقا تولۋىنا وراي بوكستان جاسٶسپٸرٸمدەر اراسىندا رەسپۋبليكالىق تۋرنير ٶتكەلٸ جاتىر. كەزٸندە امالبەك تشانوۆ, كٶكٸموۆ, مۋحيتدينوۆ سيياقتى بىلعارى قولعاپ شەبەرلەرٸمەن قولعاپ تٷيٸستٸرگەن اعامىز ەلٸ دە اتتان تٷسە قويعان جوق. ول نەمەرەلەرٸن وسى سپورت تٷرٸنە باۋلىپ جٷر.
– ادال ەڭبەك ادامعا الدىمەن ابىروي, ودان كەيٸن وتباسىلىق باقىت, قۋانىش ەكەلەتٸنٸن بالالارىما ۇدايى ايتىپ وتىرامىن. كەشەگٸ اتا-بابالارىمىز بٸر جاپىراق نان ٷشٸن, ۇرپاقتارىنىڭ اماندىعى, ساۋلىعى ٷشٸن قانداي ازاپتى جول جٷردٸ. ولاردىڭ تاۋ اسىپ, ٶزەن كەشٸپ, جالاڭ اياق جار باسىپ جٷرگەنٸن ۇمىتپاڭدار دەيمٸن, – دەيدٸ نيەتقابىل اعا اعىنان جارىلىپ.
ماقسات قارعاباي,
«وڭتٷستٸك قازاقستان»
سوزاق اۋدانى.
