فوتو: ەيگەرٸم بەگٸمبەت
قۇرىلىسشى – ٶتە جاۋاپتى ماماندىق. قۇرىلىسشىلاردىڭ ەڭبەگٸ مەن كەسٸپقويلىعىنىڭ ارقاسىندا جاڭا عيماراتتار, مەكتەپتەر, اۋرۋحانالار, جولدار سالىنىپ جاتىر. قىسقاسى, بٸرنەشە قۇرىلىس نىساندارى بوي كٶتەرٸپ, ينجەنەرلٸك, ينفراقۇرىلىم, سونداي-اق ەلەۋمەتتٸك سالاداعى عيماراتتاردىڭ قۇرىلىسى جٷرگٸزٸلٸپ, حالىقتىڭ يگٸلٸگٸنە بەرٸلٸپ جاتىر. وسىنداي جاۋاپتى ەرٸ كٷردەلٸ جۇمىستى اتقارىپ جٷرگەن ەڭبەك ادامدارىنىڭ ٸشٸندە بەلٸ قايىسىپ, ورامالى جەلبٸرەپ, نەزٸك قولدارىمەن تالاي قۇرىلىستى اتقارعان ەيەلدەر دە بار, دەپ جازادى Ult.kz.
ناعىز ەڭبەك ادامى وسىنداي قارا حالىقتىڭ ٸشٸندە, قارا جۇمىستىڭ اراسىندا جٷر. سولاردىڭ بٸرٸ – ەكٸ بالانىڭ اناسى, قۇرىلىسشى ماليكا اتاەۆا تۋرالى سٶز ەتپەكپٸز. ماليكانىڭ نەگٸزگٸ ماماندىعى – مەيٸربيكە. تٷركٸستان وبلىسى, ورداباسى اۋدانىنىڭ ورتالىعى تەمٸرلان اۋىلىنداعى اۋداندىق اۋرۋحانانىڭ بالالار بٶلٸمٸندە 14 جىلعا جۋىق ەڭبەك ەتكەن. ٶمٸرلٸك جاعدايعا بايلانىستى جۇمىستان شىعىپ, قۇرىلىس سالاسىنا كەلگەن.
«جۇمىس اۋىر بولعانىمەن, تابىسى جاقسى. العاشىندا ەشتەڭە بٸلمەيمٸن, قوسپاعا سۋدى نە كٶپ, نە از قۇيىپ قويامىن. تەرلەپ-تەپشٸپ دايىنداپ بەرسەم, سىلاقشىنىڭ بٸرٸ: «قويۋ» دەيدٸ, ەندٸ بٸرٸ «سۇيىق» دەيدٸ. شەلەك بولسا, اۋىر. قايتا كەرٸ الىپ كەتەمٸن. بٸر جۇمىستى 10–15 رەت ٸستەگەن كەزٸم دە بولدى. جىلاعىم كەلەتٸن. قايتا-قايتا دايىنداپ, قولىم ٷيرەندٸ. ال قازٸر ٶزٸم كەسٸبي سىلاقشىعا اينالدىم. «شتۋكاتۋركا» جاسايمىز. بۇل دا وڭاي ەمەس, قولىمىزدى كٶتەرە الماي قالامىز. سۋلى ەمۋلسييا جاعامىز. جۇمىس ٸستەۋگە قاجەت زاتتىڭ بارلىعىن جانىمىزعا قويىپ, قابىرعاعا تور قاداپ شىعامىز. تور (سەتكانى) قاداعان سوڭ, ساڭىلاۋلارىن بٸتەيمٸز (شپاكلەۆكا). تەگٸستەيمٸز (گرۋنتوۆكا)», – دەيدٸ قۇرىلىسشى ماليكا اتاەۆا.
قۇرىلىس سالاسىنىڭ ساراپشىسى ەلەنا تەمنيكوۆانىڭ ايتۋىنشا, قۇرىلىستاعى ەيەلدەر تۋرالى بٸرنەشە ميف قالىپتاسقان. ال بٷگٸندە ونداي ميفتەردٸ جوققا شىعارىپ جٷرگەن ماماندار جەتەرلٸك.
«بٸرٸنشٸ ميف: «ەيەلدەر ساعات 08.00-دەن 17.00-گە دەيٸن جۇمىس ٸستەيدٸ, سودان كەيٸن كليەنتتەردٸڭ پروبلەمالارىن ۇمىتىپ, ٷيٸنە قايتادى». ٶكٸنٸشكە قاراي, قۇرىلىستا جۇمىس ۋاقىتى, دەمالىس كٷنٸ دەگەن جوق. نىساندى بٸتٸرۋ ٷشٸن كٷن مەن تٷندٸ, اشتىق پەن توقتىقتى تاڭدامايسىڭ.
ەكٸنشٸ ميف: «قۇرىلىستا ەيەلدەرگە ورىن جوق». كەرٸسٸنشە, قۇرىلىسقا ەيەلدەر كەرەك. ولار مۇقييات جەنە جاۋاپتى جۇمىس ٸستەيدٸ.
ٷشٸنشٸ ميف: «ەيەلدەر قۇرىلىس ماتەريالدارى اسسورتيمەنتٸن ەرلەر سيياقتى تٷسٸنە المايدى». نەگٸزٸ, ەيەل ٶز جۇمىسىن جاقسى كٶرسە, ول ماماندىقتى ەرلەرگە قاراعاندا جاقسى ٸستەيدٸ.
تٶرتٸنشٸ ميف: «قۇرىلىس سالاسىندا ەرلٸ-زايىپتىلار بٸرگە جۇمىس ٸستەي المايدى». ەرلٸ-زايىپتىلاردىڭ مٷددەلەرٸ ورتاق بولسا, ولاردا ەرقاشان سٶيلەسەتٸن نەرسە بولادى. ورتاق ەڭگٸمە, ورتاق تانىس, كەرٸسٸنشە, بەرٸ كومفورت.
بەسٸنشٸ ميف: «قۇرىلىستا ەيەلدەر ەرلەردٸ الماستىرا المايدى». 2021 جىلدان باستاپ ەيەلدەرگە قۇرىلىس جۇمىستارىن جٷرگٸزۋگە رۇقسات ەتٸلدٸ. قۇرىلىستاعى ەيەلدەر ٶز جۇمىسىن 100 پايىز ورىندايدى ەرٸ كٷندەلٸكتٸ ٶمٸردە ناعىز ەيەل قالپىن ساقتاي الادى.
التىنشى ميف: «ەيەلدەر شاعىمدانادى جەنە قىڭىر». ەيەلدەر قۇرىلىستىڭ اۋىر ەكەنٸن بٸلەدٸ. ال قىڭىرلىق كەز كەلگەن سالادا ەيەلدەرگە تەن بولۋى مٷمكٸن. ول ەندٸ مٸنەزگە بايلانىستى», – دەيدٸ ەلەنا تەمنيكوۆا.
ال قۇرىلىسشى ماليكا اتاەۆا ەيەلدٸڭ جۇمىسى, ەركەكتٸڭ جۇمىسى دەپ بٶلٸپ قارامايدى. قولىنان كەلسە, بارلىعىن ٸستەۋگە دايىن. ول بٷگٸندە استانا, الماتى, شىمكەنتتە مەكتەپ پەن بالاباقشا, كٶپقاباتتى ٷي مەن جەكە عيماراتتاردىڭ ٸشٸن ەرلەگەن. سونىمەن قاتار 5, 7, 12 قاباتتى ٷيلەردٸ تاپسىرۋعا ٷلەس قوسقان. ماليكا بٷگٸندە قۇرىلىستا ەيەل-قىزمەتكەرلەردٸڭ كٶبەيگەنٸن دە جاسىرمايدى.
«نىساندى بٸتٸرٸپ تاپسىرعانداعى سەزٸم ٶزگەشە. بٸر جاننىڭ ٷيٸنە ەرتەرەك كٸرۋٸنە ٷلەسٸمدٸ قوسقانىما قۋانىشتى بولىپ تۇرامىن. سول بٸتكەن وبەكتٸنٸ كٶرگەندە بارلىعىنا ماقتانىشپەن قاراپ, كٶكٸرەگٸمە «مەن بۇل جەردە ٸستەگەنمٸن» دەگەن جىلۋ ۇيالايدى. قۇرىلىستا جۇمىس ٸستەۋ وڭاي ەمەس, راسىندا, وتباسىما, بالالارىما كٶڭٸل از بٶلٸنٸپ قالادى. دەگەنمەن سول بالالارىمنىڭ بولاشاعى جارقىن بولۋى ٷشٸن, ەشكٸمنەن كەم بولماس ٷشٸن جۇمىس ٸستەپ جٷرمٸز», – دەيدٸ ماليكا.
اقشاسى جاقسى بولعانىمەن, دەنساۋلىققا كەلەر زييانى دا از ەمەس.
«قوسپانى ارالاستىرعاندا شاڭ-توزاڭ مۇرنىمىزعا كٸرٸپ, اۋامەن ٶكپەگە بارادى. بۇل دا حيمييالىق زاتتار عوي. ٶكپەمٸز تولىپ, جٶتەلٸپ قالامىز. سوندا دا جۇمىستان قاشپايمىز, «ەيەلدٸڭ قىرىق جانى بار» دەپ بەكەر ايتپايدى عوي. ەيتەۋٸر, وسى تالماي ەڭبەكتەنۋٸمٸزدٸڭ نەتيجەسٸندە جاقسى تابىس تاۋىپ, ٷي سالدىق, ماشينا الدىق. كەيدە بٸر ايلىققا قاراپ, كرەديتكە باتىپ, قينالعانشا, اۋىر دا بولسا وسى قۇرىلىس سالاسى دۇرىس پا دەپ ويلايمىن», – دەيدٸ ماليكا.
قۇرىلىستىڭ اۋىر سالاسىندا ەڭبەك ەتٸپ جٷرگەن ەيەلدەردٸڭ قاتارىندا سمەتا ينجەنەرلەرٸ, ٸشكٸ ەرلەۋ جۇمىستارىمەن اينالىساتىن بريگادا باسشىلارى, ەنەرگەتيكتەر, ەكسكاۆاتورشىلار تاعى باسقالار بار.
