فوتو: okg.kz
ارىس قالاسىنىڭ «پوشتا» شاعىن اۋدانىندا باقسۇلتان ەبدٸرازاق ەسٸمدٸ ازامات تۇرادى. جاسى 28-گە كەلگەن باقسۇلتان 3 بالانىڭ ەكەسٸ. كەلٸنشەگٸ ٷي شارۋاسىندا. ٶزدەرٸ پەتەر جالداپ تۇرادى. وتاعاسىنىڭ جۇمىسقا تۇرۋ نيەتٸ بولعانىمەن, لايىقتى جۇمىس تابىلا قويمادى. وسى سەبەپتٸ ول ٶزٸنٸڭ جەكە كەسٸبٸن اشۋعا بەل بۋدى. جوسپار تٷزدٸ. شىعىندارىن ەسەپتەدٸ. اقىرى شاعىن جيھاز قۇراستىرۋ تسەحىن اشامىن دەپ شەشتٸ. «باستاۋ بيزنەس» باعدارلاماسى بويىنشا ونلاين وقىپ, سەرتيفيكات الدى. وسىدان كەيٸن جۇمىسسىزدارعا ارنالعان مەملەكەتتٸك گرانتقا ٶتٸنٸم تاپسىردى. نەتيجەسٸندە كوميسسييا الدىندا بيزنەس جوسپارىن قورعاعان باقسۇلتاننىڭ باعى جاندى.
باقسۇلتاننىڭ ەرەكەتٸ كٶپكە ٷلگٸ دەۋگە بولادى. ول ٷيٸندە جاتىپ الىپ, قۇر قييالداعان جوق. جالدامالى پەتەردە تۇرسا دا كەسٸپ اشۋعا ۇمتىلدى. قاراشاڭىراقتاعى ەكەسٸنٸڭ بوس تۇرعان گاراجىن سۇراپ الدى. قانداي قۇرىلعىلار كەرەكتٸگٸن انىقتاپ, ولاردىڭ باعاسىن بٸلدٸ. قارجىسى قولعا تيە سالىسىمەن جوسپارلاعان زاتتارىن ساتىپ الدى. بٷگٸندە شاعىن كەسٸبٸن دٶڭگەلەتٸپ وتىرعان جٸگٸتتٸڭ تسەحىنا بٸز دە باس سۇقتىق. شاعىن تسەحتىڭ ٸشٸ تاپ-تۇيناقتاي. كٸشكەنتاي شەبەرحانادا اس ٷيگە ارنالعان ٷلكەن جيھاز قۇراستىرىپ جاتىر. كەسٸبٸ ٶزٸنە ۇنايتىنى اڭعارىلىپ تۇر.
– ەكەمە كەلگەن سايىن بوس تۇرعان گاراجىنا كٶزٸم تٷسەتٸن. اعاش كەسۋگە, ودان تٷرلٸ بۇيىمدار جاساۋعا دەگەن قىزىعۋشىلىعىم بۇرىننان بار بولاتىن. شەبەرحانا ورنى بار, نەگە قارجى تاۋىپ, ەسٸپ اشپاسقا دەگەن وي مازالاي بەردٸ. اقىرى وسى ٸسكە بەت بۇردىم, – دەدٸ باقسۇلتان.
جيھاز جاساۋعا العان قۇرىلعىلارىنىڭ ٸشٸندەگٸ ٷلكەنٸ «ۋگلورەزدٸڭ» قىزمەتٸ وراسان. ول بۇرىش شىعارادى. ٶزٸنە قاجەت بۇرىشتى دەل ٶلشەپ بەرەدٸ. ونى ٶلشەمگە ساي كەسەدٸ. بۇل قۇرىلعى 320 مىڭ تەڭگە تۇرادى ەكەن. اعاشتى تٸلٸپ تٷسەر فرەزا اپپاراتى مەن شليفوۆكانىڭ, ودان كەيٸن لوبزيكتٸڭ دە اتقارار قىزمەتٸ كٶپ. گاراجدان تاعى پەرفەراتوردى, توكقا قوسىلاتىن درەل بايقادىق. بەرٸنەن دە ماڭىزدىسى وسى دەپ كەسٸپكەر بٸزگە كومپرەسسورىن كٶرسەتتٸ. باعاسى 240 مىڭ تەڭگە ەكەن. ويعىش قىزمەتٸن اتقاراتىن ول كۋپەلٸ جيھازعا تاپتىرماس قۇرال دەيدٸ.
«جيھاز قۇراستىرۋعا مەملەكەتتەن بەرٸلگەن 1 476 800 تەڭگەنٸڭ ەسەبٸن تٷگەل تاپسىردىم. بارلىعىن تيىنىنا دەيٸن ماقساتتى جۇمسادىم. ەڭ باستىسى, جيھاز قۇراستىرامىن دەگەن ارمانىما جەتتٸم» دەيدٸ كەسٸبٸن دٶڭگەلەتٸپ وتىرعان ازامات.
باعى جانعان باقسۇلتان گرانت ۇتىپ العالى بەرگٸ بەس-التى ايدا 11 ٷيدٸڭ اس بٶلمەسٸنە سەن بەرٸپ ٷلگەرٸپتٸ, ياعني وسىنشا جيھاز جاساعان. جانىنا كٶمەكشٸ العان. ساناۋلى ايداعى نەتيجەسٸ جامان ەمەس. تابىسى دا ارتىپ كەلەدٸ. قولعا العان كەسٸبٸ ٶزٸنە ۇنايدى. ٸسٸنە جاۋاپكەرشٸلٸكپەن قارايدى. ەزٸرگە تەك تاپسىرىسپەن عانا جيھاز قۇراستىرىپ جٷر. بولاشاقتا ٶنٸمدەرٸن بازارعا شىعارۋ نيەتٸ بار. شاعىن دٷكەن اشسام دەگەن ارمانى دا جوق ەمەس.
P.S. كەڭەس دەۋٸرٸندە جيھاز شىعارۋ ٸسٸ جەكەنٸڭ قولىندا بولعان جوق. تٷرلٸ جيھازدار مەملەكەتتٸك فابريكالاردا عانا شىعارىلىپ كەلدٸ. سول زاماندا شەت ەلدەردەن كەلەتٸن ٶنٸمدەردٸ ايتپاعاندا, رەسەيدەن, بەلورۋسسييادان شىعاتىن جيھازدار سۇرانىسقا يە ەدٸ. بٸزدٸڭ ٶڭٸردٸڭ دٷكەندەرٸنە الماتىدان, تاشكەنتتەن, تٸپتٸ وسى شىمكەنتتەن دە جيھاز كەلەتٸن. ونىڭ ٸشٸندە اس ٷيگە ارنالعانى از بولاتىن. تٸپتٸ جوقتىڭ قاسى ەدٸ. دٷكەندەرگە جەتەتٸن ساناۋلى جيھاز جالپى جۇرتقا قولجەتٸمسٸز بولعانى جاسىرىن ەمەس. ەلٸمٸز تەۋەلسٸزدٸك العالى بەرٸ جيھاز ٶندٸرٸسٸ زور قارقىنمەن دامىدى. ٷلكەن فابريكالارمەن بٸرگە ٶزگە جەكەمەنشٸك سالا دا قارقىن الدى. ەڭ اقىرى جەكە ازاماتتار دا ٶز ٷيٸندە وتىرىپ-اق, پايدالانۋ ماقساتىنا قاراي تٷرلٸ جيھازدار جاساپ شىعارا الاتىن دەرەجەگە جەتتٸ. كەسٸبٸن ەندٸ اشقان باقسۇلتاننىڭ دا ارمانى اسقاق. الدىنا ماقسات قويا بٸلگەن ازاماتقا «نيەتٸڭە جەت» دەگەننەن باسقا نە ايتارسىڭ!
ەرلان قۋاندىق,
«وڭتٷستٸك قازاقستان».
