سۋرەت Tengrinews.kz/تۇرار قازانعاپوۆ
دەنساۋلىق ساقتاۋ مينيسترٸ الەكسەي تسوي رەسەيمەن ۆاكتسيناتسييا پاسپورتتارىن مويىنداۋ تۋرالى پٸكٸر بٸلدٸردٸ, - دەپ حابارلايدى Tengrinews.kz.
"كەلٸسسٶزدەر جاقسى جٷرٸپ جاتىر, قازٸردٸڭ ٶزٸندە بۇل مەسەلە ەڭ جوعارى دەڭگەيدە تالقىلاندى, تٸپتٸ پرەمەر-مينيسترلەر دەڭگەيٸندە دە دايىندالىپ جاتىر. قازاقستان تاراپىنان دايىندىق 100 پايىز دەڭگەيدە. رەسەي تاراپىنان قازٸر زاڭنامالىق رەتتەۋ مەسەلەلەرٸ پىسىقتالىپ جاتىر", - دەدٸ مينيستر.
ول 24 ەلدٸڭ قازاقستانمەن ۆاكتسيناتسييا پاسپورتتارىن ٶزارا مويىنداعانىن ەسكە سالدى.
"ەۋروپا وداعى مەن چەحييا وسىنداي ماڭىزدى ەلدەرگە كٸردٸ, ۆەنگرييا - العاشقىلاردىڭ بٸرٸ, كانادا بار. مويىنداعان ماڭىزدى ەلدەر. ۋاقىت ٶتە كەلە ەلەم مەملەكەتتەر اراسىنداعى قاشىقتىقتى قىسقارتىپ, پاسپورتتاردى مويىنداۋ قاجەت ەكەنٸن تٷسٸنەدٸ. رەسەيمەن كەلٸسسٶزدەر جٷرٸپ جاتىر. بۇل بٸزگە بايلانىستى ەمەس. قازاقستان تاراپىنان بارلىق نورماتيۆتٸك قۇجاتتار دايىن, بٸزدە بەرٸ پىسىقتالعان. كٶبٸنەسە بۇل سٸم اراسىنداعى الماسۋ, سودان كەيٸن باس سانيتارلىق دەرٸگەردٸڭ شەشٸم قابىلداۋىنان تۇرادى", - دەپ تولىقتىردى تسوي.
