Sýret Tengrinews.kz/Turar Qazanǵapov
Densaýlyq saqtaý ministri Aleksei Tsoi Reseimen vaktsinatsiia pasporttaryn moiyndaý týraly pikir bildirdi, - dep habarlaidy Tengrinews.kz.
"Kelissózder jaqsy júrip jatyr, qazirdiń ózinde bul másele eń joǵary deńgeide talqylandy, tipti premer-ministrler deńgeiinde de daiyndalyp jatyr. Qazaqstan tarapynan daiyndyq 100 paiyz deńgeide. Resei tarapynan qazir zańnamalyq retteý máseleleri pysyqtalyp jatyr", - dedi ministr.
Ol 24 eldiń Qazaqstanmen vaktsinatsiia pasporttaryn ózara moiyndaǵanyn eske saldy.
"Eýropa Odaǵy men Chehiia osyndai mańyzdy elderge kirdi, Vengriia - alǵashqylardyń biri, Kanada bar. Moiyndaǵan mańyzdy elder. Ýaqyt óte kele álem memleketter arasyndaǵy qashyqtyqty qysqartyp, pasporttardy moiyndaý qajet ekenin túsinedi. Reseimen kelissózder júrip jatyr. Bul bizge bailanysty emes. Qazaqstan tarapynan barlyq normativtik qujattar daiyn, bizde bári pysyqtalǵan. Kóbinese bul SIM arasyndaǵy almasý, sodan keiin bas sanitarlyq dárigerdiń sheshim qabyldaýynan turady", - dep tolyqtyrdy Tsoi.
