قر دەنساۋلىق ساقتاۋ ۆيتسە-مينيسترٸ ولجاس ەبٸشەۆ ەلەكتروندىق دەنساۋلىق پاسپورتى قالاي جۇمىس ٸستەيتٸنٸن ٶزٸ تەكسەرٸپ كٶرگەنٸن ايتتى, دەپ حابارلايدى قازاقپارات.
«ەكٸ اپتا بۇرىن نۇر-سۇلتان قالاسىنداعى №6 ەمحاناعا باردىم. مەن سول ەمحانادا تٸركەلگەنمٸن. جٷيەنٸڭ قالاي جۇمىس ٸستەپ تۇرعانىن تەكسەرۋ ٷشٸن ٶزٸممەن بٸرگە ۇيالى تەلەفون مەن جەكە كۋەلٸگٸمدٸ عانا الا باردىم», - دەيدٸ ول.
ۆيتسە-مينيستر ول ەمحاناعا كٶپ ادام قارالاتىنىن ايتتى.
«ول - ستاندارتتى ەمحانا. مەن سمارتفون ارقىلى دەرٸگەرگە الدىن الا جازىلىپ, ولار جەكە كۋەلٸگٸم ارقىلى مەن تۋرالى جازبالاردى كٶرسەتتٸ. ەشقانداي امبۋلاتورييالىق كارتا بولعان جوق», - دەيدٸ ول.
ول ازاماتتىڭ قالاۋى بويىنشا مەديتسينالىق جازبالاردى قاعازعا شىعارىپ بەرۋگە بولاتىنىن ايتتى.
«مەديتسينالىق جازبالاردى قولعا شىعارىپ بەرۋگە تىيىم سالىنباعان. بٸراق كەڭەس الۋ مەن دەرٸ-دەرمەك جازىپ بەرۋگە دەيٸنگٸ مەليتسينالىق قىزمەت تٷرلەرٸن وسى ەلەكتروندىق دەنساۋلىق كارتاسى ارقىلى الدىم. دەرٸگەرگە ەكٸ اپتا جٶتەلٸپ, تاماعىم اۋىرعانىن ايتىپ ەدٸم, ول ٸشەتٸن دەرٸ-دەرمەك تۋرالى مەلٸمەتتٸ ەلەكتروندى فورماتتا بەردٸ. ايماقتاردا تەحنيكالىق مەسەلەلەر تۋىندايتىن شىعار, بٸراق مۇنىڭ بەرٸ - شەشٸلەتٸن مەسەلە», - دەيدٸ ولجاس ەبٸشەۆ.
