«تسيفرلاندىرۋ, عىلىم جەنە يننوۆاتسييالار ەسەبٸنەن تەحنولوگييالىق سەرپٸلٸس» ۇلتتىق جوباسى اياسىندا ەربٸر ازاماتتىڭ سمارتفونىندا مەملەكەتتٸك بازاداعى ٶزٸ تۋرالى اقپاراتتار قولجەتٸمدٸ بولادى. بۇل تۋرالى قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين ايتىپ بەردٸ, دەپ حابارلايدى قازاقپارات.
«ۇلتتىق جوبانىڭ تٶرتٸنشٸ باعىتى – قولايلى ٶمٸر سٷرۋگە ارنالعان تسيفرلىق قۇرالداردى قولدانۋ دەپ اتالادى. مۇنى قاراپايىم تٸلمەن تٷسٸندٸرەر بولساق, بٸز مەملەكەتتٸك بازالارداعى بارلىق اقپارات ەربٸر ازاماتتىڭ سمارتفونىندا قولجەتٸمدٸ بولعانىن قالايمىز جەنە كٶپتەگەن قاعاز قۇجاتتى ٶزٸمەن الىپ جٷرۋ قاجەتتٸلٸگٸن جويعىمىز كەلەدٸ. مىسالى, قازٸر ەمحانالارعا بارعان ازاماتتار مرت سۋرەتٸ مەن كٶپتەگەن اناليز نەتيجەلەرٸن ٶزٸمەن بٸرگە الىپ جٷرۋگە مەجبٷر. بٸز بۇل مەسەلەنٸ شەشۋٸمٸز كەرەك جەنە ەر ادامنىڭ سمارتفونىندا ٶز دەنساۋلىعى تۋرالى, ونىڭ ٸشٸندە اۋرۋلار, دەرٸ-دەرمەك, مەديتسينالىق ساقتاندىرۋ جەنە ٶزگە دە بارلىق اقپاراتتى كٶرۋ مٷمكٸندٸگٸن جاساۋىمىز قاجەت», - دەدٸ مينيستر ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
