«Tsifrlandyrý, ǵylym jáne innovatsiialar esebinen tehnologiialyq serpilis» ulttyq jobasy aiasynda árbir azamattyń smartfonynda memlekettik bazadaǵy ózi týraly aqparattar qoljetimdi bolady. Bul týraly QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin aityp berdi, dep habarlaidy QazAqparat.
«Ulttyq jobanyń tórtinshi baǵyty – qolaily ómir súrýge arnalǵan tsifrlyq quraldardy qoldaný dep atalady. Muny qarapaiym tilmen túsindirer bolsaq, biz memlekettik bazalardaǵy barlyq aqparat árbir azamattyń smartfonynda qoljetimdi bolǵanyn qalaimyz jáne kóptegen qaǵaz qujatty ózimen alyp júrý qajettiligin joiǵymyz keledi. Mysaly, qazir emhanalarǵa barǵan azamattar MRT sýreti men kóptegen analiz nátijelerin ózimen birge alyp júrýge májbúr. Biz bul máseleni sheshýimiz kerek jáne ár adamnyń smartfonynda óz densaýlyǵy týraly, onyń ishinde aýrýlar, dári-dármek, meditsinalyq saqtandyrý jáne ózge de barlyq aqparatty kórý múmkindigin jasaýymyz qajet», - dedi ministr Ortalyq kommýnikatsiialar qyzmetinde ótken baspasóz máslihatynda.
