پورتۋگالييانىڭ ليسسابون جەنە سينترا قالالارىندا قاراشانىڭ 16-ى مەن 25-ٸ ارالىعىندا ٶتكەن 12-شٸ حالىقارالىق LEFFEST كينوفەستيۆالٸنٸڭ جەڭٸمپازدارى انىقتالدى. فەستيۆالدٸڭ «ٷزدٸك فيلم» جٷلدەسٸ قازاقستاندىق رەجيسسەر ەمير بايعازيننٸڭ «ٶزەن» فيلمٸنە بۇيىردى. اتالعان كينوتۋىندى فەستيۆالدٸڭ نەگٸزگٸ كونكۋرسىنا قاتىسىپ, ەۋروپا, ازييا, سولتٷستٸك جەنە وڭتٷستٸك امەريكا ەلدەرٸنٸڭ فيلمدەرٸمەن ٷزدٸك اتانۋعا تالاستى.
– ٷزدٸك فيلم ٷشٸن باس جٷلدەمەن ەمير بايعازيننٸڭ «ٶزەن» فيلمٸ ماراپاتتالادى. ەرەكشە مەنەردە تٷسٸرٸلگەن تاماشا فيلم. بۇل تۋىندى بٸزدٸ ٶزەكتٸلٸگٸمەن, جوعارى دەڭگەيٸمەن العاشقى كادردان-اق تاڭقالدىردى, – دەدٸ ساحنا تٶرٸنەن قازىلار القاسىنىڭ مٷشەسٸ مارتا ارگەريح.
ايتا كەتسەك, قازىلار القاسىنىڭ قۇرامىنا ٶنەردٸڭ تٷرلٸ سالالارىندا جۇمىس ٸستەيتٸن قايراتكەرلەر كٸردٸ, ولار: ۋولتەر ساليس جەنە دجوناتان ليتتەل ەسٸمدٸ رەجيسسەرلەر, امەريكاندىق اكتريسا جەنە ەنشٸ كريستا بەلل, ارگەنتينالىق پيانيست مارتا ارگەريح, ديريجەر سيتۆەن كوۆاچەۆيچ جەنە سۋرەتشٸ دجوردج كۋەروس.
جالپى LEFFEST كينوفەستيۆالٸندە بار جوعى ٷش جٷلدە – «ٷزدٸك فيلم» (كينو تٸلٸندەگٸ ەڭ يننوۆاتسييالىق جەنە كٶركەم تٷسٸرٸلگەنٸ ٷشٸن), «قازىلار القاسىنىڭ ٷلكەن جٷلدەسٸ» (كٶركەمدٸك جاعىنان ەرەكشەلەنگەنٸ ٷشٸن) جەنە «ارنايى جٷلدە» تابىستالادى. ايتا كەتسەك, ەمير بايعازيننٸڭ «اسلاننىڭ ساباقتارى» فيلمٸ 2013 جىلى فەستيۆالدٸڭ «قازىلار القاسىنىڭ ٷلكەن سىيلىعى» جٷلدەسٸمەن ماراپاتتالعان بولاتىن.
سونىمەن قاتار, فەستيۆالدٸڭ ماراپاتتاۋ رەسٸمٸندە «ەلەمدٸك كينەماتوگرافقا قوسقان ٷلەسٸ» جٷلدەسٸ وتاندىق رەجيسسەر دەرەجان ٶمٸرباەۆقا تابىستالدى.
ايتا كەتەيٸك, بۇل فەستيۆالدە رەجيسەردٸڭ رەتروسپەكتيۆاسى ۇيىمداستىرىلدى.
ەستەرٸڭٸزگە سالا كەتسەك, «ٶزەن» فيلمٸنٸڭ ەلەمدٸك تۇساۋكەسەرٸ ۆەنەتسييا كينوفەستيۆالٸ شەڭبەرٸندە ٶتكەن بولاتىن. بۇل فەستيۆالدٸڭ «كٶكجيەكتەر» باعدارلاماسىندا ەمير بايعازين ٷزدٸك رەجيسسەر اتاندى. ال فيلمنٸڭ سولتٷستٸك اميريكاداعى تۇساۋكەسەرٸ بيىل قىركٷيەك ايىندا حالىقارالىق تورونتو كينوفەستيۆالٸ اياسىندا ٶتتٸ. كينوتۋىندى فەستيۆالدٸڭ «تۇعىرناما» («پلاتفورما») كونكۋرستىق باعدارلاماسىندا كٶرسەتٸلٸپ, قازىلار القاسىنىڭ قۇرمەتتٸ اتالىمىنا جەنە Screen Daily تەۋەلسٸز كينوسىنشىلاردىڭ رەيتينگٸسٸ تٸزٸمٸندە الدىڭعى قاتاردان كٶرٸندٸ. جىل سايىن ٶتەتٸن 12-شٸ Asia Pacific Screen Awards سالتاناتىندا «ٶزەن» فيلمٸ «رەجيسسۋراداعى تابىسى ٷشٸن» سىيلىعىمەن ماراپاتتالدى. فيلمنٸڭ ازييالىق تۇساۋكەسەرٸ
توكيو كينوفەستيۆالٸنٸڭ كونكۋرستىق باعدارلاماسى اياسىندى ٶتتٸ. ال لوس-اندجەلەستەگٸ Asian World Film Festival كينوفەستيۆالٸندە «ٶزەن» فيلمٸ قازىلار القاسىنىڭ جٷلدەسٸنە – «كٶڭٸلٸڭدٸ بٸردەن باۋراپ الاتىن, ناعىز كينو تٸلٸمەن بەينەلەنگەن فيلم» جٷلدەسٸنە يە بولدى.
