مەسكەۋدە ٶتكەن كٶركەم گيمناستيكادان حالىقارالىق Olympico Cup 2021 تۋرنيرٸندە قازاقستاندىق ەلجانا تانيەۆا ٷشٸنشٸ ورىن يەلەندٸ, دەپ حابارلايدى Olympic.kz.
حالىقارالىق بەسەكە يرينا ۆينەر-ۋسمانوۆا اتىنداعى كٶركەم گيمناستيكا سارايىندا ٶتتٸ. كٶپسايىس قورىتىندىسى بويىنشا توكيو وليمپياداسىنىڭ كٷمٸس جٷلدەگەرٸ دينا اۆەرينا جەڭٸسكە جەتتٸ. ەكٸنشٸ ورىندى ونىڭ سىڭارى ارينا اۆەرينا يەلەندٸ.
ال قازاقستاندىق ەلجانا تانيەۆا ٷشٸنشٸ ورىنعا تابان تٸرەدٸ. بۇل - قازٸرگٸ تاڭدا مەسكەۋدەگٸ ۆينەر اكادەميياسىندا جاتتىعاتىن ەلجانانىڭ تىرناقالدى تابىستارىنىڭ بٸرٸ.
ايتا كەتەلٸك, قازاقستان كومانداسىنىڭ باس باپكەرٸ ەلييا يۋسۋپوۆانىڭ باستاماسىمەن وتاندىق ەكٸ گيمناست ەلجانا تانيەۆا مەن سابينا باكاتوۆا رەسەيدەگٸ يرينا ۆينەر-ۋسمانوۆا اكادەميياسىندا جاتتىعۋدا.
