قر دەنساۋلىق ساقتاۋ مينيسترٸ ەلجان بٸرتانوۆ ەل ازاماتتارىنا وڭتٷستٸك كورەياعا بارماۋعا كەڭەس بەردٸ, دەپ حابارلايدى قازاقپارات.
«بٸز وڭتٷستٸك كورەياداعى احۋالدى جٸتٸ قاداعالاپ وتىرمىز. ٶتكەن تەۋلٸكتٸڭ ٸشٸندە ودان ارعى كٷنگە قاراعاندا ٶسٸم قارقىنى شامامەن 48 پايىزدى قۇرادى. بۇل ٶتە جوعارى قارقىن سانالادى. ٶكٸنٸشكە وراي, ارتۋ تەندەنتسيياسى بايقالادى. قىتايدا ٶسٸمنٸڭ ەڭ جوعارى قارقىنى تەۋلٸگٸنە 65-70 پايىز بولعان ەدٸ. سوندىقتان ەگەر جاعداي كٷردەلەنٸپ, پاتسيەنتتەر سانى مەن ٶسٸم قارقىنى قاۋٸپ تٶندٸرەتٸندەي بولسا, وندا بٸز باتىل شارالار قابىلدايمىز. بٷگٸنگٸ كٷنگٸ مەسەلە قايتىپ كەلگەندەردٸ كارانتينگە جاتقىزۋ بولىپ وتىر. شەكارانى جاپپاعانمەن 1 ناۋرىزدان تاسىمال سانىن قىسقارتامىز. مٷمكٸندٸگٸنشە ول جاققا بارماۋعا كەڭەس بەرەمٸز. ٶيتكەنٸ, ولاردىڭ بارلىعىن كەيٸن الىپ كەلۋگە تۋرا كەلەدٸ. قازٸرگٸ ۋاقىتتا قانشا ازاماتىمىزدىڭ ەلگە ورالعىسى كەلەتٸندٸگٸ تۋرالى مەسەلەنٸ تالقىلاپ جاتىرمىز. ەزٸرشە كورەيادا قاۋٸپ دەڭگەيٸ ايتارلىقتاي جوعارى ەمەس», - دەدٸ مينيستر باق ٶكٸلدەرٸمەن كەزدەسۋٸندە.
ونىڭ دەرەگٸنشە, بٷگٸندە وڭتٷستٸك كورەيادا 30 مىڭ قازاقستان ازاماتى جٷر.
«ايتالىق, ولاردىڭ 25 مىڭ ەلگە ورالعىسى كەلەدٸ. ال بۇل ٶتە ٷلكەن مٶلشەر. بٸزدە جۇقپالى اۋرۋلار اۋرۋحانالارىندا رەزەرۆتٸك ورىنداردىڭ سانى شامامەن 7 مىڭ عانا. بۇعان قوسا, شامامەن 3,5 مىڭ مەديتسينالىق ۇيىمدى كارانتينگە اينالدىرا الامىز», - دەدٸ ەلجان بٸرتانوۆ.
مينيستردٸڭ ايتۋىنشا, بۇل ورىندار دا جەتپەي جاتسا, وندا شەتەلدەن كەلگەن ازاماتتار وقشاۋلانادى. وقشۋلانعان ادامدارعا قولايلى تۇرمىستىق جاعداي جاسالادى.
«بۇل باس بوستاندىعىنان ايىرۋ ەمەس, تەك كارانتين عانا. ايرىقشا جايتتاردا قابىلداناتىن شارا. بٸزدٸڭ ويىمىزشا, كٶپ جاعدايدا ٷي كارانتينٸنٸڭ ٶزٸ دە جەتكٸلٸكتٸ بولادى. ٶيتكەنٸ, 14 كٷننەن كەيٸن بٸز ونىڭ اۋىرعانىن نە اۋىرماعانىن بٸلە الامىز. 14 كٷن كٷننەن كەيٸن اۋرۋ جۇقتىرماعانىنا, قاۋٸپتٸڭ جوقتىعىنا كٶز جەتكٸزگەننەن سوڭ كارانتيندى جالعاستىرۋ قاجەت بولمايدى», - دەدٸ ول.
