نۇر-سۇلتان قالاسىندا 11 بالالار مەن جاسٶسپٸرٸمدەرٸنە ارنالعان سپورت مەكتەبٸندە 49 سپورت تٷرٸنەن سەكتسييا بار, ونىڭ قىزمەتٸن 9 300 ادام تەگٸن پايدالانادى, دەپ حابارلايدى "ۇلت اقپارات" ەكٸمدٸكتٸڭ سايتىنا سٸلتەمە جاساپ.
ەلوردانىڭ بٸرقاتار سپورت نىسانىندا حالىقتىڭ سپورتپەن كەدەرگٸسٸز جاتتىعۋى ٷشٸن جاعداي جاسالعان. مەسەلەن, «الاۋ» مۇز ايدىنىندا جاتتىعۋ زالى پەن مۇز ارەناسىندا جاپپاي سىرعاناۋ قىزمەتٸ ۇسىنىلادى. وندا ستۋدەنتتەر, وقۋشىلار, زەينەتكەرلەر, بٸرٸنشٸ ساناتتاعى مٷگەدەكتەر ٷشٸن 50% جەڭٸلدٸك بار. 7 جاسقا دەيٸنگٸ بالالارعا جەنە كٶپبالالى وتباسىلاردىڭ بالالارى, بالالار ٷيٸنٸڭ تەربيەلەنۋشٸلەرٸ, ٸٸ, ٸٸٸ ساناتتاعى مٷگەدەكتەر تەگٸن قاتىسا الادى.
«دەۋلەت» سپورت كەشەنٸندە 5-14 جاسقا دەيٸنگٸ 620 بالا اينالىسادى, ونىڭ 255-ٸ تەگٸن, ال 365-ٸ اقىلى تٷردە قاتىسادى. 12 جاتتىعۋدىڭ اقىسى 13 500 تەڭگە. بۇعان قوسا, كٶپبالالى جەنە از قامتاماسىز ەتٸلگەن وتباسىلاردىڭ بالالارىنا 50 پايىز جەڭٸلدٸك بار.
مەملەكەتتٸك-جەكەشەلٸك سەرٸكتەستٸك بويىنشا پاراليمپيادالىق جاتتىعۋ ورتالىعىندا مٷمكٸندٸگٸ شەكتەۋلٸ ازاماتتارعا بارلىق قىزمەتتەر تەگٸن كٶرسەتٸلەدٸ. جاتتىعۋ پارا يوگا, ٷستەل تەننيسٸ, پارا كاراتە, پارا تاەكۆاندو, اربامەن بيلەۋ, پارا بادمينتون, پارا پاۋەرليفتينگ, پارا اەروبيكا, وتىرىپ ۆولەيبول ويناۋدان ٶتەدٸ.
سونداي-اق «تارلان» سپورت كەشەنٸندە جۇمىس كٷندەرٸ ساعات 13.00 مەن 15.00 ارالىعىندا مٷمكٸندٸگٸ شەكتەۋلٸ ازاماتتارعا تەگٸن سىرعاناۋ ۇيىمداستىرىلادى, كونكي تەگٸن بەرٸلەدٸ. قايتارىمسىز نەگٸزدە سلەش-حوككەي مەن سۋردو-حوككەيدەن جاتتىعۋ جٷرگٸزٸلەدٸ. كەشكٸسٸن جاتتىققىسى كەلگەن ازاماتتار ق.مۇڭايتپاسوۆ اتىنداعى ستاديوننىڭ جٷگٸرۋگە ارنالعان جولىن تەگٸن پايدالانا الادى.
