Nur-Sultan qalasynda 11 balalar men jasóspirimderine arnalǵan sport mektebinde 49 sport túrinen sektsiia bar, onyń qyzmetin 9 300 adam tegin paidalanady, dep habarlaidy "Ult aqparat" ákimdiktiń saityna silteme jasap.
Elordanyń birqatar sport nysanynda halyqtyń sportpen kedergisiz jattyǵýy úshin jaǵdai jasalǵan. Máselen, «Alaý» muz aidynynda jattyǵý zaly pen muz arenasynda jappai syrǵanaý qyzmeti usynylady. Onda stýdentter, oqýshylar, zeinetkerler, birinshi sanattaǵy múgedekter úshin 50% jeńildik bar. 7 jasqa deiingi balalarǵa jáne kópbalaly otbasylardyń balalary, balalar úiiniń tárbielenýshileri, II, III sanattaǵy múgedekter tegin qatysa alady.
«Dáýlet» sport kesheninde 5-14 jasqa deiingi 620 bala ainalysady, onyń 255-i tegin, al 365-i aqyly túrde qatysady. 12 jattyǵýdyń aqysy 13 500 teńge. Buǵan qosa, kópbalaly jáne az qamtamasyz etilgen otbasylardyń balalaryna 50 paiyz jeńildik bar.
Memlekettik-jekeshelik seriktestik boiynsha Paralimpiadalyq jattyǵý ortalyǵynda múmkindigi shekteýli azamattarǵa barlyq qyzmetter tegin kórsetiledi. Jattyǵý para ioga, ústel tennisi, para karate, para taekvando, arbamen bileý, para badminton, para paýerlifting, para aerobika, otyryp voleibol oinaýdan ótedi.
Sondai-aq «Tarlan» sport kesheninde jumys kúnderi saǵat 13.00 men 15.00 aralyǵynda múmkindigi shekteýli azamattarǵa tegin syrǵanaý uiymdastyrylady, konki tegin beriledi. Qaitarymsyz negizde slesh-hokkei men sýrdo-hokkeiden jattyǵý júrgiziledi. Keshkisin jattyqqysy kelgen azamattar Q.Muńaitpasov atyndaǵy stadionnyń júgirýge arnalǵan jolyn tegin paidalana alady.
