نۇر-سۇلتان قالاسى ەكٸمٸنٸڭ ورىنباسارى التىنبەك قايساعاليەۆ استانانىڭ ەكولوگيياسىنا ەسەر ەتەتٸن نەگٸزگٸ فاكتورلاردى اتادى, دەپ حابارلايدى قازاقپارات.
«اتموسفەرانىڭ لاستانۋ يندەكسٸن قاداعالاپ وتىرامىز. 2018 جىلدىڭ قورىتىندىسىنا سەيكەس ەلوردادا ول يندەكس 4,95 بٸرلٸك بولسا, 2019 جىلى 4,98 بٸرلٸكتٸ كٶرسەتتٸ. جالپى ەكولوگييالىق احۋال قالامىزدا تۇراقتى. 2020 جىلدىڭ بٸرٸنشٸ توقسانىندا وسى كٶرسەتكٸش ساقتالادى. دەگەنمەن ەكولوگييا دەپارتامەنتٸنٸڭ بولجامىنا سەيكەس ول كٶرسەتكٸش كٷرت تٶمەندەۋٸ مٷمكٸن. ٶيتكەنٸ تٶتەنشە جاعداي مەن كارانتينگە بايلانىستى اۆتوكٶلٸكتەر قوزعالىسى كٷرت ازايعانىن بٸلەسٸزدەر. سوندىقتان اتموسفەراعا شىعاتىن لاستانۋشى زاتتاردىڭ بەرٸ دە تٶمەندەدٸ. ەكٸنشٸ توقساندا دا تاعى تٶمەندەيتٸنٸ كٷتٸلٸپ وتىر», - دەدٸ «ASTANA TV» تەلەارناسىندا Elorda live-تا بەرگەن سۇحباتىندا.
ونىڭ ايتۋىنشا نۇر-سۇلتاننىڭ ەكولوگيياسىنا ەسەر ەتەتٸن نەگٸزگٸ ٷش فاكتور بار.
«بٸرٸنشٸسٸ – اۆتوكٶلٸكتەردٸڭ سانىنىڭ ٶسۋٸ. قالادا 350 مىڭنان استام كٶلٸك تٸركەلگەن. كٷننەن كٷنگە بۇل سان ارتىپ تا كەلەدٸ. ەكٸنشٸسٸ – جەو-1 جەنە جەو-2 بار. قالامىز جىلدان جىلعا ٶسٸپ كەلە جاتىر. سالىنىپ جاتقان ٷيلەر كٶپ. ولاردىڭ بەرٸن دە جىلۋمەن, ەلەكتر قۋاتىمەن قامتۋ كەرەك. سوندىقتان وسى ورتالىقتاردىڭ وتىن جاعۋ قۋاتىنىڭ ارتۋىنا بايلانىستى اتموسفەراعا شىعارىندىلارى دا كٶپ بولادى. ٷشٸنشٸ مەسەلە – قالادا 380-نەن استام ستاتسيونارلىق قازاندىق ورناتىلعان. ولاردىڭ سانى دا ارتىپ كەلەدٸ. ەگەر وسى ٷش فاكتوردىڭ مەسەلەسٸن شەشەر بولساق قالامىزداعى ەكولوگييالىق جاعدايدى ەدەۋٸر جاقسارتۋعا بولادى», - دەدٸ ول.
