نۇر-سۇلتان قالالىق پوليتسييا دەپارتامەنتٸ ەلوردا تۇرعىندارىنا قوقىستارىن لاقتىرۋدى ۇسىنىپ, قولدارىن دەزينفەكتسييالاپ جٷرگەن «كاپيتان كارانتيننٸڭ» كٸم ەكەنٸن انىقتادى, دەپ حابارلايدى "ۇلت اقپارات".
«ەلەۋمەتتتٸك جەلٸلەرگە مونيتورينگ جٷرگٸزۋ بارىسىندا ٶزٸن «كاپيتان كارانتين» دەپ اتاعان ازاماتتىڭ تۇرعىن ٷي كەشەندەرٸنٸڭ تۇرعىندارىن ٷيدە قالۋى كەرەكتٸگٸ جايلى ٷندەۋ تاستاپ جٷرگەنٸن انىقتادىق. ونىڭ كٸم ەكەنٸ انىقتالدى. ول – قالا تۇرعىنى. ونىمەن تٶتەنشە جاعداي رەجيمٸن بۇزباۋ تۋرالى پروفيلاكتيكالىق ەڭگٸمە جٷرگٸزٸلدٸ», - دەپ حابارلادى نۇر-سۇلتان قالالىق پوليتسييا دەپارتامەنتٸنەن.
انىقتالعانداي, ەلوردالىق ازامات Instagram-دا كapitankarantin اتاۋىمەن اككاۋنت تا اشقان. بٸراق ول جاقىندا عانا قۇرىلعان. وندا ول تۇرعىندارعا ٷيدەن شىقپاۋ كەرەكتٸگٸن ەسكەرتەدٸ.
