ارىستاعى جارىلىستان زارداپ شەككەن ەكٸ بالا ەلورداعا ەم الۋعا جەتكٸزٸلگەن بولاتىن. استانالىق دەرٸگەرلەر بالالاردىڭ بٷگٸنگٸ جاعدايى تۋرالى ايتىپ بەردٸ, دەپ حابارلايدى قازاقپارات.
«28 ماۋسىم كٷنٸ كەشكە قاراي شىمكەنتتەن 2005 جەنە 2011 جىلى تۋعان ەكٸ كٸشكەنتاي ناۋقاس بٸزدٸڭ بالالار اۋرۋحاناسىنىڭ جانساقتاۋ بٶلٸمٸنە جەتكٸزٸلدٸ. دەرٸگەرلەر ەكٸ ناۋقاستىڭ دا باس ميى مەن كٶكٸرەگٸن كت ٶتكٸزٸپ, بٸرەۋٸنە وپەراتسييا جاسادى. قازٸرگٸ ۋاقىتتا ەكەۋٸ دە نەيروحيرۋرگييا بٶلٸمٸنە اۋىستىرىلىپ, ەم الىپ جاتىر. ونىڭ بٸرەۋٸ, ياعني 2011 جىلى دٷنيەگە كەلگەن بالانىڭ جاعدايى اۋىر. ەكٸ بالاعا دا دياگنوستيكا جاسالىپ, ەم الۋ تولىق كٶلەمدە جٷرگٸزٸلۋدە. زارداپ شەككەن بالالاردىڭ دەنساۋلىعىن جاقسارتۋ جولىندا ٶزٸمٸزدٸڭ, سونىمەن قاتار, رەسپۋبليكالىق نەيروحۋريرگييا ورتالىعىنىڭ ماماندارى كٷرەسٸپ جاتىر», - دەدٸ قالالىق №2 بالالار اۋرۋحاناسىنىڭ باس دەرٸگەرٸ بٸرجان دوسمايىلوۆ.
ونىڭ ايتۋىنشا, ەكەۋٸ دە اشىق باس جاراقاتىن العان جەنە تولىق جازىلعانشا اۋرۋحانادا جاتادى.
«بالالاردى ەلورداعا الىپ كەلەردە اتا-انالاسىنان رۇقسات الىندى جەنە ولار قازٸر بالالارىمەن بٸرگە», - دەدٸ ول.
ەسكە سالا كەتسەك, بۇعان دەيٸن قر دەنساۋلىق ساقتاۋ مينيسترٸ ەلجان بٸرتانوۆ ەكٸ بالانىڭ ەم الۋ ٷشٸن ەلورداعا جەتكٸزٸلگەنٸن ايتقان بولاتىن.
«№2 قالالىق بالالار اۋرۋحاناسىندا بالالاردىڭ ەمٸنە قاجەتتٸ بارلىق جاعداي جاسالعان. بٸلٸكتٸ مامانداردى شاقىردىق, مۇندا مەديتسينالىق اپپاراتتار مەن دەرٸ-دەرمەك تە جەتكٸلٸكتٸ. بالالاردىڭ جاعدايى مەنٸڭ جەكە باقىلاۋىمدا بولادى», - دەدٸ مينيستر.
