بٷگٸن نۇر-سۇلتاندا ازاماتتىق بەلسەندٸلەر تۇرمىستىق زورلىق-زومبىلىققا قارسى ميتينگكە شىقتى. بەيبٸت اكتسييا «جەرۇيىق» ساياباعىندا 250-گە جۋىق ادامنىڭ قاتىسۋىمەن ٶتتٸ, دەپ حابارلايدى قازاقپارات.
شاراعا قوعامدىق بٸرلەستٸكتەر, تانىمال قوعام قايراتكەرلەرٸ مەن اتالعان مەسەلەگە بەي-جاي قارامايتىن ازاماتتار قاتىستى.
ۇيىمداستىرۋشىلاردىڭ ايتۋىنشا, بەيبٸت ميتينگتiن ماقساتى قوعامنىڭ نازارىن وتباسى قۇندىلىقتارىن ساقتاۋعا, بٸر-بٸرٸنە سىيلاستىقپەن قاراپ, ەيەلدەر مەن بالالاردىڭ قۇقىعىن قورعاۋعا ارنالعان.
«ارداگەر» قوعامدىق بٸرلەستٸگٸنٸڭ تٶرايىمى بايان احمەتجانوۆا ەيەلدەر مەن بالالار ٶزدەرٸن قاۋٸپسٸز سەزٸنۋٸ ٷشٸن قازاقستاندىقتاردى تۇرمىستىق زورلىق-زومبىلىققا قارسى كٷرەسۋگە شاقىردى.
«بۇل جەرگە كەلۋٸمٸزگە قالادا بولعان قايعىلى وقيعا سەبەپ بولدى. 6 قازان كٷنٸ بولعان وتباسىلىق ۇرىس-كەرٸس كەزٸندە كٷيەۋٸ ەيەلٸن قالا سىرتىنا اپارىپ, ٷستٸنە بەنزين قۇيىپ ٶرتەپ جٸبەردٸ. ول ەيەل مورالدٸ تٷردە دە, فيزيكالىق تٷردە دە زارداپ شەكتٸ. قازٸر زارداپ شەككەن ەيەل ٶلٸم مەن ٶمٸر ورتاسىندا جاتىر. كٶپ ەيەلدەر تۇرمىسىق زورلىق-زومبىلىق كٶرسە قايدا حابارلاساتىنىن بٸلمەيدٸ. ەگەر تۇرمىستىق زورلىق-زومبىلىق ورىن السا, دەرەۋ پوليتسيياعا نەمەسە قوعامدىق ۇيىمدارعا حابار بەرۋ كەرەك. قالادا ونداي ۇيىمدار جەتكٸلٸكتٸ. ەگەر سٸزدەرگە سول ۇيىمداردىڭ بايلانىس نٶمٸرٸ كەرەك بولسا, بٸز ونى بەرۋگە دايىنبىز», - دەدٸ ول.
«اۋعانستان سوعىس ارداگەرلەرٸنٸڭ كەڭەسٸ» تٶراعاسىنىڭ ورىنباسارى ميرانبەك تٷلەكباەۆ بٸرەۋدٸڭ ٶز وتباسىندا زورلىق كٶرۋٸنە جول بەرٸپ قويىپ, بٸز جاس ۇرپاقتىڭ بولاشاعىن بۇلىڭعىر ەتەمٸز دەدٸ.
«وتباسىداعى زورلىققا جول بەرۋ - قوعامنىڭ دەگراداتسيياعا ۇشىراۋىنا جول بەرۋ دەگەن سٶز. ٶزدەرٸڭٸز بٸلەسٸزدەر, ەر وتباسى كٸشٸگٸرٸم سوتسيۋم. وندا بولىپ جاتقان نەرسەلەر قوعامدا ورىن الادى», - دەدٸ اۋعان سوعىسىنىڭ ارداگەرٸ.
«نۇر-سۇلتان قالاسىنىڭ چەرنوبل وداعى» قب تٶراعاسى قۋاندىق ومارباەۆ شەرۋگە قاتىسۋشىلاردىڭ نازارىن قوعامداعى ەكەنٸڭ رٶلٸن كٶتەرۋگە اۋداردى.
«ەر ازامات وتباسىنىڭ كٶز الدىندا, ەسٸرەسە بالالارى ٷشٸن ٷلگٸ بولىپ سانالادى. ٶكٸنٸشكە قاراي, بۇل قازٸر پروتسەسس كەرٸ كەتتٸ. ەر ازاماتتار ٶز بويىنداعى جاقسى قاسيەتتەرٸن كٶرسەتە بەرمەيدٸ. سوندىقتان, بارلىق ازاماتتارعا قاراتىپ ايتامىن, وتباسى دەگەنٸمٸز – جانۇيا. جانۇيا دەگەن ماحاببات پەن بٸر-بٸرٸنە دەگەن سىيلاستىق بولۋى تيٸس ۇيا. ەر ازامات – ول قورعان. وتباسىنداعى بارلىق ەيەلدەر سٷيٸكتٸ ەرٸ قادٸرلٸ بولسا ەكەن دەيمٸن. ال ەيەلگە قول كٶتەرەتٸن ول ەركەك ەمەس. سەبەبٸ, ەر ازامات ول مىقتى ەرٸ سىپايى بولۋى كەرەك», - دەدٸ ق.وماربەكوۆ.
زاڭگەر ەيگەرٸم قالدىعۇلوۆا تۇرمىستىق زورلىق-زومبىلىققا تاپ بولعان ەيەلدەرگە قۇقىقتىق جەنە كونسۋلتاتسييالىق كٶمەك كٶرسەتتٸ.
ونىڭ ايتۋىنشا, كٶپتەگەن ەرلەر اجىراسقان سوڭ جۇمىس ٸستەپ, الايدا اليمەنت تٶلەمەس ٷشٸن تابىسىن جاسىرادى. زاڭگەر وسى ورايدا بارلىق ەيەلدەردٸ زاڭ جاعىنان ساۋاتتى بولىپ, اليمەنت تٶلەتتٸرٸپ, ٶز قۇقىقتارىن قورعاۋعا شاقىردى.
وتباسى قۇندىلىقتارىن ساقتاۋ تۋرالى «BALAUSA CLUB» قب جەتەكشٸسٸ كيلارا الدانىش تا كٶتەردٸ.
«مەن كٶپبالالى انامىن, تٶرت بالا تەربيەلەپ وتىرمىن. وتباسى قۇندىلىعى مەن دەستٷرلەرٸنٸڭ اياقاستى بولعانىن كٶرۋ ٶتە اۋىر. بڭز بالالاردىڭ تەربيەسٸنە جاۋاپتىمىز. ول بٸزدٸڭ ەلٸمٸزدٸڭ بولاشاعىنا بايلانىستى. ەگەر بالالار وتباسىندا زورلىق-زمبىلىق كٶرمەسە, كەيٸن ٶزٸنٸڭ وتباسىندا دا وعان جول بەرمەيدٸ. «نە ەكسەڭ, سونى وراسىڭ» دەگەن حالىق دانالىعى تەگٸن ايتىلماعان», - دەدٸ ك.الدانىش.
ميتينگ كەزٸندە «وڭالتۋ تەحنولوگييالارى جەنە كونتسەپتسييالارى» قق-نىڭ ديرەكتورى ورىنباسار قۇلجاباەۆا, قۇقىق قورعاۋشى قابي رۋستام جەنە تاعى باسقالارى قاتىستى.
قاتىسۋشىلار قازاقستان تۇرعىندارىن وتباسى قۇندىلىقتارىن ساقتاۋعا جەنە ەيەلدەر, قارتتار مەن بالالارعا قاتىستى جاسالعان زومبىلىق فاكتٸلەرٸن وبەكتيۆتٸ تەرگەۋدٸ قامتاماسىز ەتۋگە شاقىردى. بەيبٸت ميتينگكە قاتىسقانداردىڭ بارلىعى قوعامدا تۇرمىستىق زورلىق-زومبىلىققا جول بەرۋگە جول بەرۋگە بولمايتىنىن ايتىپ, وعان قارسى كٷرەسكە بٸرٸگۋگە شاقىردى.
ەسكە سالا كەتەيٸك, ەلەۋمەتتٸك جەلٸلەردە ەلوردا تۇرعىنى انار بٸتەباەۆا ٶز پاراقشاسىندا قالالىق ەكٸمدٸك 19 قازاندا ساعات 10.00-11.30 ارالىعىندا جەرۇيىق ساياباعىنىڭ سولتٷستٸك-باتىس بٶلٸگٸندە بەيبٸت ميتينگ ٶتكٸزۋگە رۇقسات بەرگەنٸن حابارلاعان بولاتىن.
