باس قالادا ٶتكەن جاستار قايىرىمدىلىق بالى اياسىندا 100 وتباسىعا كٶمەك كٶرسەتٸلدٸ, دەپ حابارلايدى "ۇلت اقپارات".
«ەلوردادا وسىمەن ەكٸنشٸ جىل ٶتٸپ جاتقان حالىقارالىق جاستار بالى اياسىندا 2 قايىرىمدىلىق شاراسى ۇيىمداستىرىلدى. ونىڭ بٸرٸنشٸسٸ «قايىرىمدى قالا» وندا حالىقارالىق جاستار بالىنىڭ قاتىسۋشىلار 100 ەلەۋمەتتٸك جاعدايى تٶمەن وتباسىعا ماتەريالدىق كٶمەك كٶرسەتتٸ. ول ٷشٸن بٸز ارنايى مۇقتاج جانداردى تاڭداپ الدىق. سونداي-اق, اتالعان وتباسىلاردىڭ بالالارى مەرەكەلٸك شوۋ-باعدارلامانى تاماشالاۋ مٷمكٸندٸگٸنە يە بولدى. ول تەۋەلسٸزدٸك كٷنٸنە وراي ۇيىمداستىرىلدى. ودان بٶلەك, قاتىسۋشىلار «جٷرەكتەن جٷرەككە» قايىرىمدىلىق اكتسيياسى اياسىندا قالاداعى قارتتار جەنە بالالار ٷيلەرٸنە باردى. وندا قارتتار جەنە بالالارمەن ەڭگٸمە دٷكەن قۇرىپ, ەسەرلٸ كەش ٶتتٸ», - دەدٸ نۇر-سۇلتان قالاسى قوعامدىق دامۋ ٸستەرٸ باسقارماسى جاستارمەن جۇمىس بٶلٸمٸنٸڭ باسشىسى باقىتجان جٷنٸسبەكوۆ.
ونىڭ ايتۋىنشا, جاستار اتالعان قايىرىمدىلىق شارالارعا بەلسەنە قاتىستى.
«جاستارعا ارنالعان قايىرىمدىلىق بالدىڭ باستى ماقساتى – كەش ٶتكٸزٸپ, بي بيلەۋ عانا ەمەس. جاستاردى قايىرىمدىلىققا باۋلۋ, قايىرىمدى ٸس جاساۋعا شاقىرۋ. بيىلعى جاستار بالى حالىقارالىق دەڭگەيدە ٶتۋدە. بالعا قاتىسۋعا 20-عا جۋىق ەلدەن دەبيۋتانتتار ٶتٸنٸم بٸلدٸردٸ. سونىڭ نەتيجەسٸندە 10 تٷرلٸ ەلدٸڭ جاستارىن قايىرىمدىلىق شاراسى بٸرٸكتٸردٸ. بارلىعى دا قايىرىمدىلىق شاراسىندا ۇلتىنا, تٸلٸنە قاراماستان ٶز بٸلسەندٸلٸكتەرٸن تانىتتى», - دەدٸ ول.
ايتا كەتسەك, كەشە نۇر-سۇلتاندا «بٸر ەلەم – بٸر ٶمٸر» (One world – one life) اتتى حالىقارالىق جاستار بالى ٶتتٸ. وعان رەسەي, قىتاي, نيگەرييا, تەجٸكستان, ٶزبەكستان, قىرعىزستان, ۋكراينا, يندونەزييا, ۆەنەسۋەلا جەنە ٶز ەلٸمٸزدٸڭ دەبيۋتانتتارى قاتىستى.
