وتاندىق «QazVac» ۆاكتسيناسىنىڭ 6 مىڭ دوزاسى نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ قويمالارىنا جەتكٸزٸلدٸ. مۇنان بٶلەك, باسقارما قويمالارىندا رەسەيلٸك «سپۋتنيك-V» پرەپاراتىن قوسا العاندا, ۆاكتسينانىڭ 55 مىڭعا جۋىق دوزاسى بار, دەپ حابارلايدى قازاقپارات.
«ٶتكەن اپتادا عانا قازاقستاندىق «QazVac ۆاكتسيناسىنىڭ بٸرٸنشٸ پارتيياسى جەتكٸزٸلدٸ. ەندٸ حالىقتىڭ سۇراۋى مەن قالاۋى بويىنشا قازاقستاندىق ٶنٸمدٸ ەكپە رەتٸندە قولدانا الامىز. دەرٸگەر رەتٸندە جەنە ەڭ الدىمەن, قازاقستان رەسپۋبليكاسىنىڭ ازاماتى رەتٸندە ەلٸمٸزدٸڭ ۆاكتسينا شىعارۋعا قابٸلەتتٸ ەلدەردٸڭ قاتارىندا بولعانى مەن ٷشٸن ماقتانارلىق جايت»,- دەدٸ نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ.
ونىڭ اتاپ ٶتۋٸنشە, ەلوردا تۇرعىندارى «سپۋتنيك-V» مەن «QazVac» ۆاكتسينالارىنىڭ بٸرٸن تاڭداي الادى.
«كٷنٸنە 6 مىڭ ادامعا دەيٸن ەكپە سالىنادى. باستاپقىدا تۇرعىندار ۆاكتسيناعا ساقتىقپەن قارادى. بٸراق ۆاكتسينا الماۋ دەنساۋلىققا ەلدەقايدا قاۋٸپتٸ ەكەنٸن جەنە تەك وسىلايشا ٶزٸمٸزدٸ ينفەكتسييادان قورعاي الامىز دەگەن كەڭ اۋقىمدى تٷسٸندٸرۋ جۇمىستارىن جٷرگٸزۋ ارقىلى ازاماتتار ۆاكتسينالانعانداردىڭ قاتارىنا ٶز ەركٸمەن قوسىلا باستادى. حالىق اراسىندا قورقۋ مەن سەنٸمسٸزدٸك جويىلىپ, ٶز دەنساۋلىعى ٷشٸن جاۋاپكەرشٸلٸك ارتا تٷستٸ», - دەدٸ ول.
سونىمەن قاتار ۆەدومستۆو باسشىسى ساۋدا, ويىن-ساۋىق ورتالىقتارىندا ۆاكتسيناتسييا پۋنكتەرٸن اشۋدىڭ تيٸمدٸلٸگٸن دە اتاپ ٶتتٸ. بٷگٸن ەلوردادا ۆاكتسيناتسييا پۋنكتەرٸ «Mega Silk Way», «Keruen», «حان شاتىر» جەنە «ابۋ-دابي پلازا» ساۋدا ورتالىقتارىندا اشىلعان. ولاردا كٷنٸنە 250-گە جۋىق ادام ەكپە الادى.
نۇر-سۇلتان قالالىق قوعامدىق دەنساۋلىق ساقتاۋ باسقارماسى باسپاسٶز قىزمەتٸنٸڭ مەلٸمەتٸنشە, حالىقتى ۆاكتسينامەن كەڭ قامتۋ ٷشٸن قالا ەكٸمٸ التاي كٶلگٸنوۆتٸڭ تاپسىرماسىمەن ۆاكتسيناتسييا پۋنكتەرٸنٸڭ سانى 36-دان 100-گە دەيٸن ارتتىرىلدى. سونداي-اق مەديتسينالىق-سانيتارييالىق كٶمەك كٶرسەتۋ ۇيىمدارى ٷشٸن جۇمىس ۋاقىتى 8:00-دەن 24:00-گە دەيٸن, ساۋدا جەنە ويىن-ساۋىق ورتالىعىندا - ساعات 10:00-دەن 22:00-گە دەيٸن ۇلعايتىلدى.
