ەلوردادا كٷرەس تٷرلەرٸنەن ٶتەتٸن ەلەم چەمپيوناتىنا بەس قۇرلىقتان 60-تان استام وليمپيادا چەمپيونى مەن جٷلدەگەرٸ كەلەدٸ, دەپ حابارلايدى قازاقپارات.
بۇل تۋرالى قر گرەك-ريم كٷرەسٸنٸڭ ۆيتسە-پرەزيدەنتٸ دەۋلەت تۇرلىحانوۆ «بارىس-ارەنا» ستاديونىندا ٶتكەن باسپاسٶز مەسليحاتىندا ايتتى.
«چەمپيوناتتا 1002 بالۋان باق سىنايدى. ولار 104 ەلدٸڭ نامىسىن قورعايدى. ول تۋرالى اقپارات تاراتۋعا 250-دەن استام جۋرناليست تٸركەلدٸ. ٶيتكەنٸ ەلوردا تٶرٸنە بەس قۇرلىقتان 60-تان استام وليمپيادا چەمپيونى مەن جٷلدەگەرٸ كەلە جاتىر. ونىڭ ٸشٸندە قوناق رەتٸندە تاماشالايتىن ارداگەرلەر دە, مەدالعا تالاساتىن بالۋاندار دا بار. اتاپ ايتساق, قازاقستاندىقتارعا ەتەنە تانىس بولىپ كەتكەن الەكساندر كارەلين, جاس امەريكالىق جۇلدىز كايل سنايدەر, تٶرت دٷركٸن ەلەم چەمپيونى, وليمپيادا چەمپيونى دجوردان بارروۋز, جاپونييالىق ەيگٸلٸ چەمپيون كاوري يتيو, ارتۋر الەكسانيان, لوپەس نۋنەس, قازاقستاننىڭ تۋماسى ۆالەريي ريازانتسەۆ, بەلارۋس سپورتشىسى كاماندار مادجيدوۆ, يراننان ەيگٸلٸ راسۋ حادەم كەلەدٸ», - دەدٸ دەۋلەت تۇرلىحانوۆ.
ونىڭ ايتۋىنشا, بۇل جولعى چەمپيونات گرەك-ريم شەبەرلەرٸ ٷشٸن ناعىز سىنالاتىن سەت بولماق.
«گرەك-ريم كٷرەسٸنەن ەلەم چەميپوناتىنىڭ «التىنىن» الماعانىمىزعا 20 جىل بولىپتى. ٶز كٸلەمٸزدە سول ولقىلىقتىڭ ورنى تولۋى تيٸس. سوڭعى كەزدە ەلەم چەميپوناتى مەن وليمپيادا ويىندارىندا بوكس پەن اۋىر اتلەتيكادان ابىرويىمىز بيٸكتەپ جٷر عوي. سولاردىڭ ساپىنا بالۋاندارىمىز دا ەنۋٸ كەرەك. بوكسشىلارىمىزدىڭ جەڭٸستٸ جولىن بالۋاندار جالعاستىرۋى كەرەك», - دەدٸ فەدەراتسييا ٶكٸلٸ.
