قازاقستاننىڭ تۇڭعىش پرەزيدەنتٸ – ەلباسى نۇرسۇلتان نازارباەۆ م.ۆ. لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸنە باردى, دەپ حابارلايدى "ۇلت اقپارات" elbasy.kz سايتىنا سٸلتەمە جاساپ.
نۇرسۇلتان نازارباەۆ رەكتور ۆ.سادوۆنيچييمەن كەزدەسٸپ, قر تۇڭعىش پرەزيدەنتٸ – ەلباسى كٸتاپحاناسىنىڭ ەۋرازييالىق ينتەگراتسييا يدەياسىنا ارنالعان كٶرمە ەكسپوزيتسيياسىمەن تانىستى جەنە ۋنيۆەرسيتەت مۋزەيٸن ارالاپ, قۇرمەتتٸ قوناقتار كٸتابىنا جازبا قالدىردى.
ۆ.سادوۆنيچييمەن كەزدەسۋ بارىسىندا ەلباسى م.ۆ. لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸ جوعارى بەدەلگە يە ەكەنٸن جەنە حالىقارالىق دەڭگەيدە مويىندالعانىن اتاپ ٶتتٸ.
«ۋنيۆەرسيتەت جوعارى سۇرانىسقا يە ماماندىقتار بويىنشا كادرلار دايارلايتىن رەسەيدەگٸ ەڭ ٸرٸ جەنە ماڭىزدى وقۋ ورنى», - دەدٸ نۇرسۇلتان نازارباەۆ.
قازاقستاننىڭ تۇڭعىش پرەزيدەنتٸ پوستكەڭەستٸك كەڭٸستٸكتەگٸ ينتەگراتسييالىق پروتسەستەردٸڭ دامۋ تاريحىنا توقتالدى.
– مەن 1994 جىلى ناۋرىز ايىندا مەسكەۋ مەملەكەتتٸك ۋنيۆەرسيتەتٸندە ەۋرازييالىق ەكونوميكالىق وداق قۇرۋ يدەياسىن ايتقان بولاتىنمىن. سول كەزدە الداعى ىنتىماقتاستىق جوسپارىنىڭ تۇجىرىمداماسىن ۇسىندىم. ال 2014 جىلى بٸز ەۋرازييالىق ەكونوميكالىق وداق قۇرۋ تۋرالى شارتقا قول قويدىق, - دەدٸ نۇرسۇلتان نازارباەۆ.
ەلباسى قيىندىقتارعا قاراماستان ەۋرازييالىق ەكونوميكالىق وداققا قاتىسۋشى ەلدەر اراسىنداعى ساۋدا اينالىمى ٶسٸپ كەلە جاتقانىن اتاپ ٶتتٸ.
– قىرىقتان استام ەل وداققا قوسىلۋعا نيەت بٸلدٸردٸ. قازٸر ەلەمدە ينتەگراتسيياسىز ٶمٸر سٷرۋ مٷمكٸن ەمەس. ينتەگراتسييا مەملەكەتتٸڭ ودان ەرٸ دامۋىنا مٷمكٸندٸك بەرەدٸ. ەاەو-نىڭ كەلەشەگٸ زور دەپ سانايمىن. الدا اۋقىمدى جۇمىس كٷتٸپ تۇر, - دەدٸ قازاقستاننىڭ تۇڭعىش پرەزيدەنتٸ.
سونىمەن قاتار, نۇرسۇلتان نازارباەۆ قازاقستاننىڭ استاناسىندا ورنالاسقان مەسكەۋ مەملەكەتتٸك ۋنيۆەرسيتەتٸ فيليالىنىڭ دامۋ قارقىنىنا توقتالدى.
– رەسەي پرەزيدەنتٸمەن جاسالعان كەلٸسٸمگە سەيكەس ەلوردامىزدا مەسكەۋ مەملەكەتتٸك ۋنيۆەرسيتەتٸنٸڭ فيليالىن اشتىق. قازٸر فيليال كەڭەيٸپ جاتىر, ورىن جەتٸسپەۋشٸلٸگٸ بايقالادى. سوندىقتان بٸز جالپى اۋدانى 20 مىڭ شارشى مەتر بولاتىن وقۋ كورپۋسىن مەسكەۋ مەملەكەتتٸك ۋنيۆەرسيتەتٸ فيليالىنا بەرەيٸن دەپ جاتىرمىز, - دەدٸ ەلباسى.
قر بٸلٸم جەنە عىلىم مينيسترلٸگٸنٸڭ اقپاراتى بويىنشا, وقۋ عيماراتى سارىارقا اۋدانىندا ورنالاسقان جەنە 800 ستۋدەنتكە ارنالعان. سونىمەن قاتار, فيليالدىڭ جاڭا عيماراتى وقۋ ورنىنىڭ عىلىمي ەلەۋەتٸن دامىتۋعا ىقپال ەتەدٸ.
- ەگەر بٸز العا جىلجىپ, عىلىمي-تەحنيكالىق پروگرەستەن قالمايىق دەسەك, بٸلٸم سالاسىن دامىتۋدى قولعا العانىمىز جٶن. سوندىقتان قازاقستاندا «نازارباەۆ ۋنيۆەرسيتەتٸن» اشتىق. سونداي-اق, ۋنيۆەرسيتەت دەڭگەيٸنە ساي كەلەتٸن تالاپكەرلەردٸ دايىنداۋ ٷشٸن رەسپۋبليكا بويىنشا 22 زيياتكەرلٸك مەكتەپ سالدىق, - دەدٸ قازاقستاننىڭ تۇڭعىش پرەزيدەنتٸ.
ٶز كەزەگٸندە رەكتور ۆيكتور سادوۆنيچيي نۇرسۇلتان نازارباەۆقا ساپارى ٷشٸن ريزاشىلىعىن بٸلدٸرٸپ, ەلباسىنىڭ ەۋرازييا قۇرلىعىنداعى ينتەگراتسييالىق ٷدەرٸستەردٸ نىعايتۋداعى ەرەكشە رٶلٸن اتاپ ٶتتٸ.
– مەن سٸزدٸڭ ۋنيۆەرسيتەتكە دەگەن كٶڭٸلٸڭٸزدٸ جوعارى باعالايمىن جەنە ەاەو-نى دامىتۋعا قوسقان ٷلەسٸڭٸزگە تەنتٸمٸن. سٸز دۇرىس جەنە ناقتى شەشٸمدەر قابىلدادىڭىز. ٷنەمٸ ىنتىماقتاستىققا ۇمتىلدىڭىز, - دەدٸ رەكتور.
كەزدەسۋ سوڭىندا مەسكەۋ مەملەكەتتٸك ۋنيۆەرسيتەتٸنٸڭ قۇرمەتتٸ دوكتورى نۇرسۇلتان نازارباەۆقا جوعارى ناگرادا – «مەسكەۋ ۋنيۆەرسيتەتٸنٸڭ جۇلدىزى» تابىستالدى.
