1 ماۋسىم — حالىقارالىق بالالاردى قورعاۋ كٷنٸ. بۇل مەرەكەنٸ ەلەم ەلدەرٸ 70 جىلدان استام اتاپ ٶتٸپ كەلەدٸ. بۇل كٷنٸ بالالارعا ارنالعان تٷرلٸ مەدەني جەنە ويىن-ساۋىق شارالارى ۇيىمداستىرىلىپ, سەبيلەردٸڭ شاتتىققا بٶلەنەتٸن كٷنٸ. قازاقپارات تٸلشٸسٸ ايتۋلى مەرەكە قارساڭىندا نۇر-سۇلتان قالاسىنداعى مامانداندىرىلعان بالالار ٷيٸ ديرەكتورىنىڭ ورىنباسارى انارگٷل سماعۇلوۆامەن تٸلدەسكەن بولاتىن.
«ەلورداداعى مامانداندىرىلعان بالالار ٷيٸ 1933 جىلى اشىلعان, 90 جىلعا جۋىق تاريحى بار. باسىندا بٸر قاباتتى ەتٸپ اعاشتان تۇرعىزعان. 1987 جىلى مامانداندىرىلعان بالالار ٷيٸ دەپ اتاۋى ٶزگەرتٸلدٸ. سەبەبٸ بۇل جەرگە ساۋ سەبيلەردەن بٶلەك, دەنساۋلىعىندا اقاۋى بار نەمەسە تۋا بٸتكەن كەمٸستٸگٸ بار بالالار دا قابىلدانا باستادى. قازٸرگٸ ۋاقىتتا ورتالىقتا 50-دەن استام سەبي بار. ولاردىڭ جاس شامالارى — 0-4 جاس اراسى. جەنە بٸزدە 100-دەن استام قىزمەتكەر ەڭبەك ەتەدٸ», - دەدٸ انارگٷل سماعۇلوۆا.
ونىڭ ايتۋىنشا, بالالار ٷيٸندە تەك تۇل جەتٸم سەبيلەر عانا ەمەس, سونىمەن قاتار اتا-اناسى بار بالالار دا تەربيەلەنۋدە.
«كەيبٸر اتا-انالار ەلەۋمەتتٸك جاعدايىنىڭ تٶمەندٸگٸنەن وتباسىن اسىراۋ مٷمكٸندٸگٸ بولماعاندىقتان, بالالارىن بٸزدٸڭ ورتالىققا ەكەلەدٸ. ولاردىڭ ٸشٸندە وتباسىلىق جاعدايى تٷزەلگەن سوڭ, بالالارىن قايتا ەكەتەتٸن اتا-انالار بار, ال كەيبٸرٸ قايتىپ ورالمايدى. ونداي جاعدايدا بٸز اتا-اناسىن ٸزدەستٸرەمٸز, ال ودان نەتيجە شىقپاعان جاعدايدا قۇزىرلى ورگاندارعا حابارلايمىز. بٸزدٸڭ ورتالىقتا بالالار 4 جاسقا دەيٸن بولادى, ودان كەيٸن ەرەسەك بالالار ٷيٸنە, ال ەرەكشە كٷتٸمدٸ قاجەت ەتەتٸن بالالار ارنايى ورتالىقتارعا جٸبەرٸلەدٸ, بٸزدەگٸ بالالاردىڭ 20 پايىزى مٷگەدەك نەمەسە ەرەكشە كٷتٸمدٸ قاجەت ەتەدٸ», - دەيدٸ ول.
ودان ەرٸ بالالار ٷيٸ باسشىسىنىڭ ورىنباسارى سەبي اسىراپ الۋعا قاتىستى ەڭگٸمە ٶربٸتتٸ.
«سوڭعى جىلدارى بالالاردى تەك قازاقستاندىق وتباسىلار اسىراپ الۋدا. ٶكٸنٸشكە قاراي, تاستاندى بالالاردىڭ كٶبٸسٸ ٶزٸمٸزدٸڭ قازاق ۇلتىنان. اتاپ ايتساق, بٸزدەگٸ بالالاردىڭ 70 پايىزى قازاقتىڭ قاراكٶزدەرٸ. جىل سايىن 30-دان استام بالانى وتانداستارىمىز ٶز باۋىرىنا باسادى, ال بىلتىر 34 بالانى اسىراپ الدى. بٸزدەگٸ ەر بالانىڭ تاعدىرى ەرتٷرلٸ: بٸرٸن تاستاپ كەتسە, ەكٸنشٸسٸن اتا-اناسى اسىراي الماعاندىقتان وسىندا ەكەلۋگە مەجبٷر بولعان. وسى ورايدا بٸزدٸڭ ماماندار ولارعا انا ورنىنا انا, ەكە ورنىنا ەكە بولىپ, جان-جىلۋلارىن ايامايدى. مامانداندىرىلعان بالالار ٷيٸندە بارلىعىنا بٸردەي تيٸستٸ جاعداي جاسالعان, ەشقايسىسى نازاردان تىس قالمايدى. سونىمەن قاتار, بالا تەربيەسٸ مەن كٷتٸمٸنە قاجەتتٸ مامانداردىڭ بارلىعى بار», - دەدٸ ا. سماعۇلوۆا.
ماماننىڭ مەلٸمدەۋٸنشە, ەلدەگٸ تٶتەنشە جاعدايعا بايلانىستى بالالار ٷيٸندە جۇمىس كەستەسٸ ٶزگەرٸپ, سانيتارلىق شارالار قاتاڭداتىلعان.
«كارانتيننٸڭ العاشقى كٷنٸنەن باستاپ, ارنايى بەكٸتٸلگەن قاۋلىنىڭ نەگٸزٸندە بارلىق تالارتاردى ساقتاي وتىرىپ جۇمىس ٸستەۋدەمٸز. بالالارىن ۋاقىتشا ەكەلگەن اتا-انالار بٸزگە تەلەفون شالىپ نەمەسە ۆيدەو بايلانىس ارقىلى بالالارىنىڭ جاعدايىن قاداعالاۋدا. بٷگٸن مەرەكە بولعاندىقتان, سانيتارلىق ەرەجەلەردٸ ساقتاي وتىرىپ, بالالارعا ارنالعان مەرەكەلٸك شارا ۇيىمداستىرۋدامىز. وندا بالالار ەن ايتىپ, بي بيلەپ ٶز ٶنەرلەرٸن ورتاعا سالادى. سوڭىندا ەستەلٸك سۋرەتكە تٷسٸپ, تەتتٸلەر تاراتىلاتىن بولادى»,ت- دەدٸ ول.
