مۋزىكالىق جاس كٶرەرمەن تەاترىندا ن.موشينانىڭ «دٷنيە-عاپىل» مەتافيزيكالىق دراماسىنىڭ پرەمەراسى ٶتتٸ, دەپ حابارلايدى "ۇلت اقپارات".
مۋزىكالىق جاس كٶرەرمەن تەاترى كٶرەرمەن نازارىنا «دٷنيە-عاپىل» مەتافيزيكالىق دراماسىنىڭ پرەمەراسىن ۇسىندى. ورىس دراماتۋرگى ناتاليا موشينانىڭ «سۆەت» اتتى شىعارماسىنان قازاق تٸلٸنە العاش رەت اۋدارعان – اسحات ماەمٸروۆ. وسىلايشا, «دٷنيە-عاپىل» قويىلىمى قازاق تەاترىنىڭ ساحناسىندا كٶرەرمەنگە جول تارتتى. قويىلىمنىڭ قويۋشى رەجيسسەرٸ – قازاقستاننىڭ ەڭبەك سٸڭٸرگەن قايراتكەرٸ اسحات ماەميروۆ, مۋزىكامەن كٶركەمدەگەن جەنە رەجيسسەردٸڭ اسسيستەنتٸ – مەكان جۇماباەۆ, باس حورمەيستەر – ن. تٸلەنديەۆ اتىنداعى II رەسپۋبليكالىق دەريجەر بايقاۋىنىڭ لاۋرەاتى- ەليحان ىدىرىسوۆ, كوستيۋم سۋرەتشٸسٸ – ٸڭكەر كاريموۆا, جارىق سۋرەتشٸسٸ – ايدىن دوساەۆ, دىبىس رەجيسسەرٸ – سابينا يلياسوۆا, رەجيسسەردٸڭ كٶمەكشٸسٸ – ەرنازار جاڭاتٸلەك.
ونىڭ جانرى – مەتافيزيكالىق دراما. مەتافيزيكا – بارلىق نەرسەنٸڭ ارعى جاعىندا كٶرٸنەتٸن جەنە كٶرٸنبەيتٸن شىندىق. تٷپكٸ ماعىناسىندا «فيزيكادان كەيٸن كەلەتٸن» دەگەندٸ بٸلدٸرەدٸ. شىعارمادا بارشا ادامزاتقا ورتاق تاقىرىپتار - ۋاقىتتىڭ قادٸرٸ, ادامگەرشٸلٸك, ەر ٸستەلگەن ٸستٸڭ قايىرى مەن قايتارىمى بولاتىنى جايلى ايقىن كٶرسەتٸلدٸ.
قويىلىمداعى رٶلٸ تۋرالى مازداق اتتى كەيٸپكەردٸ سومداعان تەاتر اكتەرٸ ورازالى يگٸلٸك بىلاي سيپاتتايدى: «مازداق سەكٸلدٸ ادامدار بۇل ٶمٸردە كەزدەسەدٸ. بارلىق كەيٸپكەلەر ٶمٸردەن الىنعان. بٸز بارلىعىمىز ارعى ٶمٸرگە بارامىز. قويىلىم فيلوسوفيالىق ويلارعا تولى. مازداق بالالار ٷيٸندە تەربيەلەنگەن, سەبي سٷيە الماعان. ٶمٸردٸڭ تٷرلٸ قيىندىعىن كٶرگەن ادام. ونىڭ جۇبايى ريمما ەكەۋٸ بٸر-بٸرٸن جاقسى كٶرەدٸ. سوندىقتان ولار اجىراسىپ كەتپەيدٸ».
قويىلىم بارىسىندا مازداق (ورازالى يگٸلٸك), ونىڭ جۇبايى ريمما (قازاقستاننىڭ ەڭبەك سٸڭٸرگەن قايراتكەرٸ, 71-شٸ حالىقارالىق كانن كينوفەستيۆالٸنٸڭ جەڭٸمپازى سامال ەسلياموۆا), جاسىن (دٸنيسلام نۇرماعانبەتوۆ), سٷيرٸك (ديانا اسقار) ەسٸمدٸ كەيٸپكەرلەر دەمالىس ورنىنا بارار جولدا جول كٶلٸك اپاتىنا تاپ بولادى. بۇل جەردە ولاردى عايىپ ەسٸمدٸ بەيتانىس قارسى الادى. كەيٸپكەرلەر ٶلٸ مەن تٸرٸ اراسىنداعى ۋاقىتتى باستارىنان ٶتكٸزەدٸ. جالپى ادامداردىڭ بۇل ٶمٸردەن ٶتٸپ, قييامەتكە دەيٸنگٸ ۋاقىتىن, ەكٸ دٷنيەنٸڭ ورتاسىنداعى ۇزاقتىعىنا ادامزات اقىلى بويلاي المايتىن قانداي دا بٸر ۋاقىت ارالىعىنداعى ادام جانىنىڭ جاعدايى, رۋحىنىڭ حەلٸ سۋرەتتەلەدٸ.
