ەلوردا ۇلى جەڭٸستٸڭ مەرەيتويى قارساڭىندا تٷرلەنە تٷستٸ, 9 مامىر كٷنٸ ۇلى جەڭٸستٸڭ 75 جىلدىعى ٶلشەۋسٸز داڭقتىڭ, ٶشپەس قاھارماندىق ەرلٸكتٸڭ, حالقىمىزدىڭ شەكسٸز, مۇقالماس قايراتىنىڭ مەرەكەسٸ رەتٸندە اتاپ ٶتٸلەدٸ, دەپ حابارلايدى قازاقپارات.
ۇلى جەڭٸس كٷنٸ بەيبٸتشٸلٸكتٸ سٷيگٸش بارشا ادامزاتتىڭ مەرەكەسٸ. بٷگٸنگٸ جەڭٸمپاز ۇرپاقتىڭ بالالارى مەن نەمەرەلەرٸ ٷشٸن جارقىن دا قاسيەتتٸ مەرەكە. قالا كٶشەلەرٸندە ەدەتتەگٸدەي حالىق كٶپ ەمەس, دەگەنمەن ەلوردا ٷلكەن مەرەكە قارساڭىندا ەكەنٸ اڭعارىلادى.
مەرەكەلٸك رەمٸزدەر بارلىق جەردە: جالاۋشالار مەن جەڭٸس كٷنٸنٸڭ بەلگٸلەرٸ جازىلعان كٶپتەگەن پلاكاتتار ٸلٸنٸپ, ايالداما پاۆيلوندارىندا وتان قورعاۋشىلار كٷنٸمەن جەنە 9 مامىر مەرەكەسٸمەن قۇتتىقتاۋلار ٸلۋلٸ تۇر.
سوڭعى جىلدارى قالىپتاسقان دەستٷر بويىنشا, ورتالىق داڭعىلداردىڭ بويىندا ەكٸنشٸ دٷنيەجٷزٸلٸك سوعىسىنىڭ باتىرلارى بەينەلەنگەن بيلبوردتار ٸلٸنگەن. قازٸر كٶزٸ تٸرٸ قىرىق تٶرت سوعىس ارداگەرٸ بار. ولاردىڭ ەڭ جاسى توقساننان اسقان. سوعىس جىلدارى سول كەزدەگٸ اقمولا وبلىسىنان 14 723 ادام اتتانىپ, ولاردىڭ جارتىسىنا جۋىعى مايدان دالاسىندا قازا تاپتى. بٸزدٸڭ اتالارىمىز شايقاستا تەڭدەسٸ جوق ەرلٸكتەرٸمەن ەرەكشەلەنٸپ, 44 جاۋىنگەر سوۆەت وداعىنىڭ باتىرى اتاعىنا يە بولدى. ەكٸ مەرتە كەڭەس وداعىنىڭ باتىرى, ۇشقىش تالعات بەگەلدينوۆ, سوۆەت وداعىنىڭ باتىرى, تەۋەلسٸز قازاقستاننىڭ بٸرٸنشٸ قورعانىس مينيسترٸ ساعادات نۇرماعامبەتوۆ, رەيحستاگ ٷستٸندە جەڭٸس تۋىن كٶتەرگەن العاشقى حالىق قاھارمانى راقىمجان قوشقارباەۆتار سارىارقا داڭقىن بٷكٸل ەلەمگە جايدى. سولاردىڭ جەنە باسقا مايدانگەرلەردٸڭ, سونداي-اق تىل ەڭبەككەرلەرٸنٸڭ ەستەلٸكتەرٸ كەشە عانا جارىق كٶرگەن «ۇلى جەڭٸس ەشقاشان ۇمىتىلمايدى» كٸتابىندا جيناقتالعان. جەڭٸستٸڭ 75 جىلدىعى وتشاشۋ, سالتاناتتى شەرۋلەرسٸز ٶتەدٸ. بٸز بۇل قاسيەتتٸ مەرەكەنٸ ٷيدە, وتباسىندا اتاپ ٶتٸپ, بٸزگە بەيبٸت اسپان سىيلاعان ەكەلەرٸمٸزدٸ, اتالارىمىزدى ەسكە الامىز.
