ەلوردادا سەنات دەپۋتاتىن سايلاۋ ەل زاڭناماسىنا ساي ٶتتٸ. بۇل پٸكٸردٸ تٷركٸتٸلدەس مەملەكەتتەر ىنتىماقتاستىعى كەڭەسٸ ميسسيياسىنىڭ باسشىسى, ەزەربايجاننىڭ قازاقستانداعى ەلشٸسٸ راشاد ماممادوۆ ايتتى, دەپ حابارلايدى قازاقپارات.
«بۇل سايلاۋعا حالىقارالىق بايقاۋشى رەتٸندە قاتىسىپ وتىرمىز. ٶتە كٶپ كەزدەسۋ ٶتكٸزدٸك. كەشە قازاقستان ورتالىق سايلاۋ كوميسسيياسىندا كەزدەسۋ بولدى. نۇر-سۇلتان قالاسى ەكٸمدٸگٸندە دە كەزدەسۋ ٶتكٸزٸپ, قر پارلامەنتٸ سەناتى دەپۋتاتتىعىنا كانديداتتارمەن كەلٸسسٶزدەر ۇيىمداستىردىق. نۇر-سۇلتان قالالىق مەسليحاتىنىڭ دەپۋتاتتارىمەن ەڭگٸمەلەستٸك. ال بٷگٸن نۇر-سۇلتان قالالىق سايلاۋ ۋچاسكەسٸ اشىلعان سەتتەن, ساعات 10-نان بەرٸ وسى جەردە جٷرمٸز», - دەدٸ ول.
ونىڭ اتاپ ٶتۋٸنشە, قازاقستاندا دا, بٸزدٸڭ تٷركٸتٸلدەس مەملەكەتتەردە دە كوروناۆيرۋس ٸندەتٸنٸڭ تارالۋىنا بايلانىستى بۇل سايلاۋعا ٷلكەن دەلەگاتسييا كەلە الماعان. تٷركٸ كەڭەسٸ وسىناۋ ۇيىمعا مٷشە ەلدەرمەن, قۇرىلتايشىلارىمەن اقىلداسا وتىرىپ, قازاقستانداعى ديپلوماتييالىق ميسسييالارىنىڭ ٶكٸلدەرٸنەن شەتەلدٸك بايقاۋشىلار جاساقتاۋ تۋرالى شەشٸم قابىلداعان.
«ەزەربايجان بيىل بۇل ۇيىمعا تٶراعالىق ەتەدٸ. سوندىقتان قر پارلامەنتٸ سەناتى دەپۋتاتتارىن سايلاۋدى بايقاۋشىلار ميسسيياسىنا ەزەربايجاننىڭ قازاقستانداعى تٶتەنشە جەنە ٶكٸلەتتٸ ەلشٸسٸ رەتٸندە مەن تٶراعالىق قىزمەتٸن اتقارامىن. دەلەگاتسييا قۇرامىنا قىرعىزستان, ٶزبەكستان, تٷركييا جەنە ەزەربايجان ەلدەرٸ كٸرەدٸ. بٷگٸن بٸز كانديداتتاردى, بايقاۋشىلاردى, باق ٶكٸلدەرٸن تٸركەۋ سەتٸنەن باستاپ مونيتورينگ جٷرگٸزدٸك. مەسليحاتتىڭ نۇر-سۇلتان قالالىق سايلاۋ كوميسسييامەن بٸرلەسكەن وتىرىسىنا قاتىستىق. داۋىس بەرۋ پروتسەسٸنە باقىلاۋ جاسادىق, ول ٶتە جاقسى, اشىق ٶتتٸ. تاڭداۋشىلاردىڭ بارلىعىنا قولايلى جاعداي جاسالعان. ٶكٸنٸشكە وراي دەلەگاتسييامىز ٶتە شاعىن بولعاندىقتان نۇر-سۇلتان قالاسىنان باسقا ٶڭٸرلەرگە بارا المادىق. دەگەنمەن, سايلاۋدىڭ دەموكراتييالىق جاعدايدا, قازاقستان زاڭناماسىنا ساي ٶتتٸ دەپ ايتۋعا بولادى», - دەدٸ راشاد ماممادوۆ.
