ەلوردادا جانساقتاۋ بٶلٸمٸنە كۆي-عا قارسى ۆاكتسينا الماعان پاتسيەنتتەر تٷسٸپ جاتىر. ستاتسيونارعا جەتكٸزٸلگەننەن كەيٸن ولاردىڭ جاعدايى ەكٸ-ٷش كٷندە ٶتە ناشارلاپ كەتەدٸ. بۇل تۋرالى قالالىق قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ ايتتى, دەپ حابارلايدى "ۇلت اقپارات" قالا ەكٸمدٸگٸنە سٸلتەمە جاساپ.
«بٸزدەگٸ رەانيماتسييالىق تٶسەكتەر 84%-عا تولدى. كوروناۆيرۋس ينفەكتسيياسىنا قارسى ەكپە الماعان, اۋىر كٷيدە جاتقان 248 پاتسيەنت بار. ونىڭ ٸشٸندە 77 ادام ٶتە اۋىر حالدە جاتىر. ناۋقاستاردىڭ باسى-قاسىندا جٷرگەندٸكتەن بۇل كٶرسەتكٸش قاتتى الاڭداتىپ وتىر. بٸز ٶتكەن جىلعى ەڭ اۋىر كٷيگە جەتەيٸن دەپ قالدىق», - دەيدٸ باسقارما باسشىسى.
تيمۋر مۇراتوۆتىڭ ايتۋىنشا اۋىر كٷيدە جاتقاندار اراسىندا قارت كٸسٸلەر عانا ەمەس 35 جاستاعى ناۋقاستار دا بار.
«ۆيرۋس جاڭا شتامدارعا مۋتاتسييالانىپ وتىرادى, ولار جاستار اراسىندا جيٸ تٸركەلۋدە. قازٸر جاستار دا, تٸپتٸ بالالار دا ينفەكتسييانىڭ اۋىر كٷيٸنە ۇشىراي باستادى. ەكٸ-ٷش كٷن ٸشٸندە پاتسيەنتتەردٸڭ دەنساۋلىعى ناشارلاعانى سونشالىق جاساندى تىنىس الۋ اپپاراتىنسىز ٶمٸر سٷرە المايتىن كٷيگە جەتەدٸ. رەانيماتسيياداعى بارلىق پاتسيەنتتٸڭ مۇنداي جاعدايعا تٷسۋٸنٸڭ سەبەبٸ – ۆاكتسيناتسييالانباۋدان. بٸراق ولار مۇنى كەش تٷسٸندٸ», - دەپ اتاپ ٶتتٸ مۇراتوۆ.
تيمۋر مۇراتوۆ قالا تۇرعىندارىن ۋاقىتىندا ۆاكتسيناتسييادان ٶتۋگە, وسى ارقىلى ٶزدەرٸن ينفەكتسييا جۇقتىرۋدان قورعاۋعا شاقىردى.
«قۇرمەتتٸ ازاماتتار! ويلانىپ جەنە كٷتٸپ وتىراتىن ۋاقىت جوق! قازٸر ۆاكتسيناتسييا الۋ ٶتە ماڭىزدى, ەيتپەسە كەش بولۋى مٷمكٸن. بٸزگە, ياعني دەرٸگەرلەرگە, كۆي-گە بايلانىستى قايتىس بولعاندار ستاتيستيكاسىن جارييالاۋ, تۋىستارىنا جاقىنى كەلمەسكە كەتكەنٸن ايتۋ وڭاي ەمەس. ٶتكەن جىلى بٸز پاندەمييانى جەڭۋدٸڭ بارلىق جولىن ٸزدەگەن ەدٸك, ال قازٸر قولىمىزدا بار, ول – ۆاكتسيناتسييا. وسى ارقىلى عانا بٸز اۋرۋدىڭ قيىن كەزەڭٸنەن شىعا الامىز», - دەپ قورىتىندىلادى قالالىق دەنساۋلىق ساقتاۋ باسقارماسىنىڭ باسشىسى.
