Elordada jansaqtaý bólimine KVI-ǵa qarsy vaktsina almaǵan patsientter túsip jatyr. Statsionarǵa jetkizilgennen keiin olardyń jaǵdaiy eki-úsh kúnde óte nasharlap ketedi. Bul týraly qalalyq qoǵamdyq densaýlyq saqtaý basqarmasynyń basshysy Timýr Muratov aitty, dep habarlaidy "Ult aqparat" qala ákimdigine silteme jasap.
«Bizdegi reanimatsiialyq tósekter 84%-ǵa toldy. Koronavirýs infektsiiasyna qarsy ekpe almaǵan, aýyr kúide jatqan 248 patsient bar. Onyń ishinde 77 adam óte aýyr halde jatyr. Naýqastardyń basy-qasynda júrgendikten bul kórsetkish qatty alańdatyp otyr. Biz ótken jylǵy eń aýyr kúige jeteiin dep qaldyq», - deidi basqarma basshysy.
Timýr Muratovtyń aitýynsha aýyr kúide jatqandar arasynda qart kisiler ǵana emes 35 jastaǵy naýqastar da bar.
«Virýs jańa shtamdarǵa mýtatsiialanyp otyrady, olar jastar arasynda jii tirkelýde. Qazir jastar da, tipti balalar da infektsiianyń aýyr kúiine ushyrai bastady. Eki-úsh kún ishinde patsientterdiń densaýlyǵy nasharlaǵany sonshalyq jasandy tynys alý apparatynsyz ómir súre almaityn kúige jetedi. Reanimatsiiadaǵy barlyq patsienttiń mundai jaǵdaiǵa túsýiniń sebebi – vaktsinatsiialanbaýdan. Biraq olar muny kesh túsindi», - dep atap ótti Muratov.
Timýr Muratov qala turǵyndaryn ýaqytynda vaktsinatsiiadan ótýge, osy arqyly ózderin infektsiia juqtyrýdan qorǵaýǵa shaqyrdy.
«Qurmetti azamattar! Oilanyp jáne kútip otyratyn ýaqyt joq! Qazir vaktsinatsiia alý óte mańyzdy, áitpese kesh bolýy múmkin. Bizge, iaǵni dárigerlerge, KVI-ge bailanysty qaitys bolǵandar statistikasyn jariialaý, týystaryna jaqyny kelmeske ketkenin aitý ońai emes. Ótken jyly biz pandemiiany jeńýdiń barlyq jolyn izdegen edik, al qazir qolymyzda bar, ol – vaktsinatsiia. Osy arqyly ǵana biz aýrýdyń qiyn kezeńinen shyǵa alamyz», - dep qorytyndylady qalalyq densaýlyq saqtaý basqarmasynyń basshysy.
