پەتەردە جٶندەۋ جۇمىستارىن ٸستەپ جاتقان جۇمىسشى سەيفتٸ بۇزىپ اشا الماعان سوڭ, تەرەزەدەن لاقتىرىپ جٸبەرگەن, دەپ حابارلايدى نۇر-سۇلتان قالاسىنىڭ پوليتسييا دەپارتامەنتٸنٸڭ باسپاسٶز قىزمەتٸ.
كريمينالدىق پوليتسييا قىزمەتكەرلەرٸ 25 جاستاعى كٷدٸكتٸنٸ ۇستادى.
«تەرگەۋ بارىسىندا انىقتالعانداي, ەيەل ادام پەتەردە جٶندەۋ جۇمىستارىن جٷرگٸزۋ ٷشٸن جۇمىسشىنى شاقىرعان. جۇمىس ٸستەپ جٷرٸپ جاس جٸگٸت بالكوندا تۇرعان سەيفكە كٶزٸ تٷسەدٸ. تٷرلٸ قۇرالمەن ونى بۇزىپ اشپاق بولادى, بٸراق بۇل ەرەكەتٸنەن تٷك شىقپايدى. ٸشٸندە ٸرٸ كٶلەمدە اقشا بار دەپ ويلاپ, كٷدٸكتٸ سەيفتٸ 7-قاباتتان تەرەزەدەن لاقتىرىپ جٸبەرٸپ, ٶزٸ تەز ارادا پەتەردەن شىعىپ كەتكەن. سەيف تٷسكەن جەرگە كەلٸپ, ونىڭ اشىلماعانىن كٶرٸپ, كٷدٸكتٸ وقيعا ورنىنان قاشىپ كەتەدٸ», - دەپ حابارلادى ۆەدومستۆودان.
وقيعانىڭ كۋەگەرلەرٸ پوليتسييا شاقىرعان.
انىقتالعانداي, سەيفتە قۇجاتتار مەن 4 500 اقش دوللارى بولعان.
قازٸر ۇرى ۇستالدى. قىلمىستىق ٸس قوزعالىپ, ايعاقتار تەركٸلەندٸ. ەر ادامنىڭ ەلوردادا بولعان وسىنداي ٶزگە دە وقيعالارعا قاتىسى بار ما تەكسەرٸلٸپ جاتىر.
سونداي-اق, ونىڭ بۇعان دەيٸن ۇرلىق جاساعانى ٷشٸن سوتتالعانى انىقتالدى.
