نۇر-سۇلتان قالاسى ەسٸل اۋدانىنىڭ ەكٸمٸ بەرٸك جەكەنوۆ ەلوردادا ماسامەن كٷرەسكە باعىتتالعان قانداي جۇمىستار جٷرگٸزٸلٸپ جاتقانىن ايتتى, دەپ حابارلايدى "ۇلت اقپارات".
Facebook-تەگٸ استانانىڭ ادالدىق الاڭى پاراقشاسىندا ٶتكەن ونلاين بريفينگ بارىسىندا «ٷركەر» شاعىن اۋدانىنىڭ تۇرعىندارى ماسانىڭ كٶپتٸگٸنە شاعىمدانعان بولاتىن.
«بۇل ٶزەكتٸ مەسەلە ەكەندٸگٸن بەرٸمٸز تٷسٸنەمٸز. ول جەر باتپاقتى بولىپ كەلەدٸ. قازٸرگٸ ۋاقىتتا ماسانى ۋلاۋ ورتالىقتاندىرىلعان, بٸر ەكٸمشٸ اينالىسىپ جاتىر. بٷگٸندە ماسانى ۋلاۋدىڭ ەكٸنشٸ كەزەڭٸ جٷرگٸزٸلۋ ٷستٸندە. وسىدان ٷش كٷن بۇرىن عانا ولار قورعالجىن تاس جولى جاقتان ماسانى ۋلاۋدى باستادى», - دەدٸ ەسٸل اۋدانىنىڭ ەكٸمٸ.
ونىڭ اتاپ ٶتۋٸنشە, ماسامەن كٷرەسكە باعىتتالعان جۇمىستار قارقىندى جٷرگٸزٸلٸپ جاتىر.
«كەشە جەلدٸ اۋا رايى كەزٸندە 1 ماسانىڭ 30 شاقىرىمعا دەيٸن ۇشىپ بارا الاتىندىعىن وقىعان ەدٸم. جالپى, تەك ۋلاۋ جۇمىستارىن عانا جٷرگٸزە بەرمەي بۇل مەسەلەنٸ جٷيەلٸ تٷردە شەشۋ قاجەت. كەي جەردە ٶسٸمدٸكتەردٸڭ قاسيەتٸنە دە دەن قويعان دۇرىس بولار. ماسانى قۋاتىن ٶسٸمدٸكتٸڭ تٷرٸ كٶپ. مەسەلەن, ولاردىڭ بٸرٸ - جۋسان. بٸراق, كەيبٸر تۇرعىنداردىڭ بۇل ٶسٸمدٸككە اللەرگيياسى بار. دەگەنمەن, بۇل ٶسٸمدٸك ماسانى قۋۋدا جاقسى قۇرال بولار ەدٸ», - دەدٸ بەرٸك جەكەنوۆ.
