نۇرسۇلتان قالالىق پوليتسييا دەپارتامەنتٸنٸڭ قىزمەتكەرلەرٸ مەملەكەتتٸك تٸركەۋ نٶمٸرٸ بٸردەي 3 كٶلٸكتٸ انىقتادى, دەپ حابارلايدى "ۇلت اقپارات".
پوليتسييا دەپارتامەنتٸنٸڭ مەلٸمەتٸنشە, ەكٸمشٸلٸك پوليتسييا قىزمەتكەرلەرٸ نۇر-سۇلتان قالاسى اۋماعىنداعى جول قوزعالىسىنا مونيتورينگ جاساۋ بارىسىندا بٸر-بٸرٸنەن اۋمايتىن ەكٸ كٶلٸكتٸ انىقتاعان. وسىدان كەيٸن پوليتسييانىڭ بارلىق ساپتىق بٶلٸمشەلەرٸنە ۇقساس كٶلٸكتەردٸ ۇستاۋ تۋرالى باعىتتاما جٸبەرٸلگەن.
«ۆيدەوباقىلاۋ كامەرالارىمەن قاراۋ بارىسىندا 11 تامىز كٷنٸ اۆتوموبيلدەردٸڭ بٸرٸن پوليتسييا قولعا تٷسٸردٸ. كەلەسٸ كٷنٸ مەملەكەتتٸك تٸركەۋ نٶمٸرٸ بٸردەي ەكٸنشٸ كٶلٸك انىقتالىپ, ۇستالدى. ۇستالعان كٶلٸكتەردٸڭ جٷرگٸزۋشٸلەرٸنٸڭ ايتۋىنشا, ولار اۆتوموبيلدٸ زاڭدى جولمەن ساتىپ العان. سونىمەن قاتار جول جٷرٸسٸ ەرەجەسٸن بۇزعانى ٷشٸن ايىپپۇلداردى اۆتوموبيل يەلەرٸنٸڭ بٸرٸ ەكٸنشٸسٸ ٷشٸن تٶلەپ كەلگەن. قازٸرگٸ ۋاقىتتا بۇل كٶلٸكتەر كوممۋنالدىق اۆتوتۇراققا قويىلدى. تەرگەۋ جٷرٸپ جاتىر», - دەپ اتاپ ٶتەدٸ ۆەدومستۆودان.
سونىمەن قاتار مەملەكەتتٸك تٸركەۋ نٶمٸرٸ دەل وسىنداي ٷشٸنشٸ كٶلٸك ٶسكەمەن قالاسىندا انىقتالعان. كٶلٸك يەسٸنٸڭ ايتۋىنشا, مەملەكەتتٸك تٸركەۋ نٶمٸرٸ ە 658 ۆن 138 رف «Toyota Estima» ماركالى كٶلٸگٸنە ەكٸمشٸلٸك ايىپپۇل تٶلەنگەنٸ تۋرالى ۇيعارىم تۇرعىلىقتى مەكەنجايىنا كەلٸپ تۇرادى. بٸراق قۇجاتتا كٶرسەتٸلگەن داتالاردا ول ەلوردادا بولماعان.
