سەنبٸ كٷنٸ, 13 تامىزدا قر پرەمەر-مينيسترٸ ەليحان سمايىلوۆ نۇر-سۇلتان قالاسىنداعى جاڭا ٶندٸرٸستٸك جەنە ەلەۋمەتتٸك نىساندار قۇرىلىسىنىڭ بارىسىمەن تانىستى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ٷكٸمەت باسشىسى «استانا تەحنوپوليس» اەا اۋماعىنداعى «YDA Industrial Park» كٶپبەيٸندٸ زاۋىتىنىڭ قۇرىلىس الاڭىنا باردى. كەسٸپورىن مەديتسينالىق جابدىقتار, مەديتسينالىق جەنە كەڭسە جيھازدارىن, مودۋلدٸك قۇراما قۇرىلىستار, سونداي-اق قاسبەتتەر, ۆيتراجدار, تەرەزەلەر مەن ەسٸكتەر ٶندٸرۋ بويىنشا ينتەگراتسييالانعان كەشەن بولىپ تابىلادى. زاۋىت ٶنٸمدەرٸ تەك ٸشكٸ نارىققا عانا ەمەس, كٶرشٸ ەلدەرگە دە ەكسپورتتالاتىن بولادى. جالپى قۇنى 46 ملن دوللاردان اساتىن جوبا شەتەلدٸك ينۆەستورلار ەسەبٸنەن جٷزەگە اسىرىلىپ جاتىر.
پرەمەر-مينيستر زاۋىتتى ٸسكە قوسۋ قازٸرگٸ كەزدە شەتەلدەن ەكەلٸنەتٸن ٶنٸم يمپورتىن الماستىرۋعا وڭ ەسەرٸن تيگٸزەتٸنٸن اتاپ ٶتتٸ.
«ەلٸمٸزدە كەسٸپكەرلٸك ەركٸندٸگٸن قامتاماسىز ەتۋگە جەنە ينۆەستيتسييالىق احۋالدى جاقسارتۋعا باعىتتالعان ەكونوميكالىق رەفورمالار جٷزەگە اسىرىلىپ جاتىر. بٸز ينۆەستورلاردىڭ كەلۋٸن ەردايىم قولدايمىز. بۇل جوبا – قازاقستاندا تيٸمدٸ جۇمىس ٸستەپ, كٶرشٸ ايماقتاردىڭ نارىقتارىنا شىعۋعا بولاتىندىعىنىڭ دەلەلٸ», — دەدٸ ٷكٸمەت باسشىسى.
ٶز كەزەگٸندە «YDA Group» باسقارما تٶراعاسى حۋسەين ارسلان بەس كەسٸپورىننىڭ تٶرتەۋٸ قازاقستاندا العاش رەت اشىلاتىنىن اتاپ ٶتتٸ.
«قازاقستاندىق تاراپقا بەلسەندٸ قولداۋ كٶرسەتكەنٸ ٷشٸن العىسىمدى بٸلدٸرەمٸن. بٸز تيٸستٸ مينيسترلٸكپەن تىعىز ىنتىماقتاستىقتا جۇمىس ٸستەيمٸز, سوندىقتان ٶزٸمٸزگە سەنٸمدٸمٸز», — دەدٸ حۋسەين ارسلان.
سونىمەن قاتار ٷكٸمەت باسشىسى ەكٸ اۋىسىمدا 2400 وقۋشىنى قابىلداۋ ەلەۋەتٸ بار 1200 ورىندىق جاڭا جالپى بٸلٸم بەرەتٸن مەكتەپ قۇرىلىسىنىڭ بارىسىمەن تانىستى. وقۋ ورنى حالىق تىعىز ورنالاسقان ەسٸل اۋدانىندا سالىنىپ جاتىر, بۇل №84 جەنە №85 مەكتەپ-ليتسەيلەرٸندە ورىن تاپشىلىعى مەسەلەسٸن شەشۋگە مٷمكٸندٸك بەرەدٸ. مەكتەپتٸ جىل سوڭىندا پايدالانۋعا بەرۋ جوسپارلانىپ وتىر.
جالپى, بيىل ەلوردادا 11 مەكتەپتٸڭ قۇرىلىسىن اياقتاۋ كٶزدەلگەن. بۇل قوسىمشا 23 مىڭنان استام وقۋشى ورنىن اشۋعا مٷمكٸندٸك بەرەدٸ.
«سوڭعى جىلدارى جىل سايىن 400 مىڭعا جۋىق بالا دٷنيەگە كەلۋدە. ولاردىڭ بەرٸ قازٸرگٸ تاڭدا مەكتەپكە بارىپ جاتىر, ال مەكتەپتەردٸڭ شامادان تىس جٷكتەلۋٸ بايقالادى. سوندىقتان مەكتەپ قۇرىلىسىن رەسپۋبليكالىق بيۋدجەتتەن قارجىلاندىرۋدى ۇلعايتۋ جوسپارلانىپ وتىر. ەلوردانىڭ جاڭا مەكتەپتەرٸندە جاراقتاندىرۋدىڭ جوعارى ستاندارتتارى قالىپتاسقان. بالالارعا قولايلى جاعدايدا وقۋعا مٷمكٸندٸك بەرۋ ٷشٸن ەلٸمٸزدە سالىنىپ جاتقان باسقا دا بٸلٸم مەكەمەلەرٸندە وسى ستاندارتتاردىڭ بولعانىن قالايمىز», — دەدٸ پرەمەر-مينيستر.
سونداي-اق ەليحان سمايىلوۆ ە. بەكتۇروۆ كٶشەسٸ بويىنداعى 577 پەتەرلٸك تۇرعىن ٷيدٸڭ قۇرىلىسىنا باردى. ونىڭ 189 پەتەرٸ اپاتتى ٷيلەردٸڭ تۇرعىندارىنا بەرٸلەدٸ.
«سوڭعى ٷش جىلدا ەلوردادا تۇرعىن ٷي قۇرىلىسى بويىنشا بەس جىلدىق كٶرسەتكٸش ەجەپتەۋٸر ارتتى – 2019 جىلدان باستاپ 8 ملن شارشى مەتر تۇرعىن ٷي پايدالانۋعا بەرٸلدٸ. جالپى, مەملەكەت باسشىسىنىڭ تاپسىرماسى بويىنشا ەلوردادا قولجەتٸمدٸ تۇرعىن ٷي قۇرىلىسىنىڭ كٶلەمٸ بەس ەسەدەن استام ۇلعايدى», — دەدٸ ٷكٸمەت باسشىسى.
سونداي-اق ەليحان سمايىلوۆ ٷكٸمەت اتىنان قۇرىلىس سالاسىنىڭ قىزمەتكەرلەرٸن كەسٸبي مەرەكەلەرٸمەن قۇتتىقتادى.
«قۇرىلىس - وتاندىق ەكونوميكانىڭ ماڭىزدى جەنە سەرپٸندٸ دامىپ كەلە جاتقان سالاسى. بيىل بٸرٸنشٸ جارتىجىلدىقتا قۇرىلىس كٶلەمٸ 9%-دان استام ۇلعايدى, 6,6 ملن شارشى مەتردەن استام تۇرعىن ٷي پايدالانۋعا بەرٸلدٸ. وسى مٷمكٸندٸكتٸ پايدالانا وتىرىپ, ەلٸمٸزدٸڭ قۇرىلىسشىلارى مەن سالا ارداگەرلەرٸنە تولايىم تابىس, زور دەنساۋلىق جەنە اماندىق تٸلەيمٸن!», — دەدٸ ەليحان سمايىلوۆ.
سونداي-اق جۇمىس ساپارىنا يندۋسترييا جەنە ينفراقۇرىلىمدىق دامۋ مينيسترٸ قايىربەك ٶسكەنباەۆ پەن ەلوردا ەكٸمٸ التاي كٶلگٸنوۆ قاتىستى.
