نۇر-سۇلتانداعى «دەۋلەت» سپورت كەشەنٸندە قازاق كٷرەسٸنەن VIII ەلەم بٸرٸنشٸلٸگٸ ٶتٸپ جاتىر, - دەپ حابارلايدى قازاقپارات.
«دٷنيەجٷزٸلٸك قازاق كٷرەسٸ فەدەراتسيياسى 15 جىلدىڭ ٸشٸندە 52 مەملەكەتتە فەدەراتسيياسىن اشقان بولاتىن. بٷگٸن باستالعان ەلەم چەمپيوناتىنا 36 مەملەكەت قاتىسۋعا تٸلەك بٸلدٸردٸ. 36 مەملەكەتتٸڭ قىزدار جەنە ەرلەر توبىنىڭ بالۋاندارى تولىق قۇرامدا كەلەتٸنٸن ايتقانىمەن, اۋا رايىنىڭ قولايسىزدىعىنا بايلانىستى 8 كوماندا جارىسقا كەشٸگٸپ قالدى. ياعني, 28 ەلدٸڭ بالۋانى بوز كٸلەمگە شىقتى», - دەدٸ دٷنيەجٷزٸلٸك قازاق كٷرەسٸ فەدەراتسيياسىنىڭ اتقارۋشى ديرەكتورى تالعات مەزٸباەۆ تۋرنير بارىسىندا.
ونىڭ ايتۋىنشا, قازاق كٷرەسٸنەن باعىن سىناماققا كەلگەن بالۋانداردىڭ ٸشٸندە دزيۋدو, ەركٸن كٷرەس سىندى سپورت تٷرلەرٸنەن اتى شىعىپ جٷرگەن سپورتشىلار بارشىلىق.
«ٶزبەكستان, گرۋزييا, موڭعولييا, لاتۆييا, بەلارۋس كوماندالارىنىڭ قۇرامىندا وليمپيادا ويىندارىنا قاتىسقاندار, سامبودان بٸرنەشە دٷركٸن چەمپيون اتانعان سپورتشىلار بار. جٷلدە قورى – 70 مىڭ اقش دوللارىن قۇرايدى. ەر ورىندارعا بٶلٸنٸپ بەرٸلەدٸ. دەمەۋشٸلەر بٷكٸل ەلدەن كەلگەن سپورتشىلاردىڭ كەلۋ-كەتۋگە شىعاتىن شىعىنىن كٶتەرٸپ وتىر. ٶيتكەنٸ, بٸز قازاق كٷرەسٸ سەكٸلدٸ دامۋشى كٷرەس تٷرٸنەن سايىس ٶتكٸزٸپ جاتىرمىز. جاپوندار سەكٸلدٸ ٶز كٷرەسٸمٸزدٸ العا جەتەلەۋ ٷشٸن اقشا سالۋىمىز كەرەك», - دەيدٸ ول.
بٷگٸن ەرلەر مەن قىزدار ٷش-ٷش سالماقتان, ەرتەڭ دە دەل وسىنداي تەرتٸپ بويىنشا بوز كٸلەمدە ٶزارا مىقتىنى انىقتايدى.
جارىستىڭ العاشقى جەڭٸمپازى دا بەلگٸلٸ بولدى. قىزدار اراسىنداعى 55 كەلٸ سالماقتا بٸرٸنشٸ ورىنعا زارينا ابدۋراحمانوۆا (تٷرٸكمەنستان) يە بولسا, ەكٸنشٸ جەنە ٷشٸنشٸ ورىنداردى انارا رىسقۇلوۆا (قىرعىزستان) مەن مارييا لياتيري (گرەكييا) يەلەندٸ. 60 كەلٸ سالماقتا بٸرٸنشٸ ورىن گانتسەتسەگ گانبولدتىڭ (مونعولييا) قانجىعاسىندا كەتتٸ. اتالمىش سالماقتا ەكٸنشٸ جەنە ٷشٸنشٸ ورىندى مەيٸرٸم مومىنوۆا (قىرعىزستان) مەن تولعاناي ەبەۋوۆا (قازاقستان) مٸسە تۇتتى.
تۋرنير تولىقتاي UWW رەسمي ٶكٸلدەرٸ مەن حالىقارالىق دەرەجەدەگٸ تٶرەشٸلەرٸنٸڭ قاتىسۋىمەن ٶتكٸزٸلٸپ جاتىر. جارىستى ۇيىمداستىرۋشىلار – بٸرٸككەن كٷرەس ەلەمٸ, نۇر-سۇلتان قالاسىنىڭ ەكٸمدٸگٸ, دٷنيەجٷزٸلٸك «قازاق كٷرەسٸ» فەدەراتسيياسى. ەلەم چەمپيوناتىنا دەمەۋشٸ – «Eurasian Resources Group» (ERG).
ەسكە سالا كەتسەك, كەشە ەلوردادا الىس-جاقىن شەت ەلدەردٸڭ ٶكٸلدەرٸنٸڭ قاتىسۋىمەن دٷنيەجٷزٸلٸك «قازاق كٷرەسٸ» فەدەراتسيياسىنىڭ حالىقارالىق كونگرەسٸ ٶتكەن بولاتىن. كونگرەس بارىسىندا اليك شپەكباەۆ اتالعان فەدەراتسيياسىنىڭ پرەزيدەنتٸ, ال اكتەر ەرٸ رەجيسسەر, قازاقستاننىڭ حالىق ەرتٸسٸ دوسحان جولجاقسىنوۆ دٷنيەجٷزٸلٸك «قازاق كٷرەسٸ» فەدەراتسيياسىنىڭ «قۇرمەتتٸ پرەزيدەنتٸ» بولىپ سايلاندى.
