ەلوردادا كارانتين رەجٸمٸن بۇزعان 300-دەن استام ادام جاۋاپقا تارتىلدى. بۇل تۋرالى نۇر-سۇلتان قالاسى پوليتسييا دەپارتامەنتٸنٸڭ باسشىسى ەرجان سەدەنوۆ مەلٸم ەتتٸ, دەپ حابارلايدى قازاقپارات.
«كارانتين رەجٸمٸنٸڭ كٷشەيتٸلۋٸنە قاراماستان, كەيبٸر ازاماتتار قوعامدىق تەرتٸپتٸ بۇزىپ, كٶشەدە جٷرگەن. ٷش كٷننٸڭ ٸشٸندە, ياعني 28-30 ناۋرىز كەزەڭٸندە پوليتسيياعا 307 ادام جەتكٸزٸلدٸ. ولارعا قاتىستى ەكٸمشٸلٸك جازا قابىلداندى. سونىمەن قاتار, ەكٸ مىڭنان استام پروفيلاكتيكالىق تٷسٸندٸرۋ شارالارى جٷرگٸزٸلدٸ», - دەدٸ ە. سەدەنوۆ «حابار 24» تەلەارناسىندا ٶتكەن ونلاين بريفينگٸدە.
ونىڭ سٶزٸنە قاراعاندا, 22 ناۋرىزدان باستاپ تٶتەنشە جاعداي رەجٸمٸن بۇزعانى ٷشٸن 369 ادام ەكٸمشٸلٸك جاۋاپكەرشٸلٸككە تارتىلدى, ونىڭ ٸشٸندە 86-سى قاماۋعا الىندى, 202 ادامعا ايىپپۇل سالىندى. سونىمەن قاتار, 69 ادامعا ەسكەرتۋ جاسالسا, 17 ٸس سوتتا قارالۋدا.
«بلوك-بەكەتتەرٸندە 98 ادام جازاعا تارتىلدى, ونىڭ ٸشٸندە 80 ادام قامالدى, 14 ادامعا ايىپپۇل سالىندى, 4 ٸس سوتتا قارالۋدا», - دەدٸ ە. سەدەنوۆ.
