ەلوردادا كارانتين رەجيمٸن بۇزعان 135 ادام ەكٸمشٸلٸك قاماۋعا الىندى. بۇل تۋرالى بٷگٸن ورتالىق كوممۋنيكاتسييالار قىزمەتٸندەگٸ ونلاين-بريفينگتە نۇر-سۇلتان قالالىق پوليتسييا دەپارتامەنتٸنٸڭ باستىعى ەرجان سەدەنوۆ ايتتى, دەپ حابارلايدى "ۇلت اقپارات".
«ٶكٸنٸشكە وراي كەيبٸر ازاماتتار ايتىلعان ەسكەرتۋلەرگە قۇلاق اسپاي, كارانتين رەجيمٸن بۇزۋدا. تٷرلٸ قۇقىق بۇزۋشىلىق ٷشٸن پوليتسييا بٶلٸمدەرٸنە 2 838 ادام جەتكٸزٸلدٸ. ونىڭ ٸشٸندە 1 770 ادام ەكٸمشٸلٸك جاۋاپكەرشٸلٸككە تارتىلدى. قاماۋعا الىنعاندار - 166, ايىپپۇل سالىنعاندار - 1 126, ەسكەرتۋ العاندار - 408 ادام, ال سوت قاراۋىندا 70 ماتەريال بار. ەكٸمدٸكتٸڭ كوممۋنالدىق تۇراعىنا 588 اۆتوكٶلٸك قويىلدى. 36 جٷرگٸزۋشٸ ماس كٷيٸندە ۇستالىپ, جٷرگٸزۋشٸ قۇقىعىنان ايىرىلدى. 67 جاياۋ جٷرگٸنشٸگە ايىپپۇل سالىندى, 135 ادام ەكٸمشٸلٸك قاماۋعا الىندى», - دەدٸ دەپارتامەنت باسشىسى.
ەرجان سەدەنوۆتٸڭ دەرەگٸنشە, بلوكپوستتاردىڭ شەكاراسىن بۇزعانى ٷشٸن 174 ادام جاۋاپقا تارتىلدى. ونىڭ ٸشٸندە 124 ادام قاماۋعا الىندى.
«كارانتين رەجيمٸن بۇزۋشىلاردىڭ بەرٸن بٸردەي ۇستاۋ بٸزدٸڭ مٸندەتٸمٸز ەمەس. بٸزدٸڭ قىزمەتكەرلەر ازاماتتارعا كٷندەلٸكتٸ تٷسٸندٸرۋ جۇمىستارىن جٷرگٸزەدٸ. كارانتين نورماسىن بۇزعاندارعا عانا شارا قولدانامىز», - دەدٸ ول.
