ەلوردادا ينكاسساتور ٸشٸندە اقشا بار كاسسەتانى تەرمينال جانىندا قالدىرىپ كەتكەن, دەپ حابارلايدى قازاقپارات.
نۇر-سۇلتان قالالىق پوليتسييا دەپارتامەنتٸنٸڭ مەلٸمەتٸنشە, ساعات شامامەن 09:40-تا «شاپاعات» ساۋدا ٷيٸنٸڭ جانىنان ٶتٸپ بارا جاتقان قالا تۇرعىنى كٶشە بويىنداعى «رتۆم تەرمينالىنىڭ» جانىندا جاتقان پلاستماسسا كەيستٸ بايقاعان. ول بٸردەن 102 وپەراتورىنا قوڭىراۋ شالىپ, وقيعا ورنىنا پوليتسييا قىزمەتكەرلەرٸ جەتكەن.
«ٸشٸندە 290 مىڭ تەڭگە اقشا قاراجاتى بار كاسسەتانى «City Transportation Systems» جشس-نٸڭ قىزمەتكەرٸ الاڭعاسارلىعىنان ۇمىتىپ كەتكەن. تابىلعان زات پوليتسيياعا جەتكٸزٸلٸپ, كەيٸنٸرەك كٶلٸك كومپانيياسىنا تابىستالدى. ەلوردانىڭ پوليتسييا دەپارتامەنتٸنٸڭ باسشىلىعى قالا تۇرعىنىنا ادالدىعى ەرٸ بەلسەندٸ ازاماتتىق ۇستانىمى ٷشٸن ريزاشىلىق بٸلدٸردٸ», - دەلٸنگەن ۆەدومستۆو اقپاراتىندا.
