نۇر-سۇلتان قالاسى ەكٸمدٸگٸنٸڭ باسپاسٶز قىزمەتٸنٸڭ تاراتقان مەلٸمەتٸنە سەيكەس, قاراشانىڭ 12-نەن 13-نە قاراعان تٷنٸ قالا ٸشٸنەن 17 مىڭ تەكشە مەتر قار شىعارىلعان, دەپ حابارلايدى "ۇلت اقپارات".
«قازگيدرومەتتٸڭ حابارلاۋىنشا 2020 جىلدىڭ 12 قاراشا كٷنٸ 28 مم-لٸك ايلىق نورمانى ەسەپتەگەندە 7 مم قار تٷستٸ.
«13 قاراشادا ەلوردادا قار تازالاۋ جۇمىستارىنا 960 دانا ارنايى تەحنيكا مەن 1800 جۇمىسشى جۇمىلدىرىلعان», - دەدٸ ەكٸمدٸك.
ەسكە سالا كەتسەك كەشە ەلورداعا قار جاۋىپ, كٶكتايعاقتىڭ پايدا بولۋىنا بايلانىستى كوممۋنالدى قىزمەتتەر قالا كٶشەلەرٸن جيناۋ ٷشٸن كٶپتەگەن ارنايى تەحنيكانى شىعارعان بولاتىن. وسىعان قاراي پوليتسييا ەلوردا تۇرعىندارىنان تەحنيكا لەكتەرٸنە ٸلەسٸپ جٷرەتٸن پوليتسييا پاترۋلدەرٸنٸڭ تالاپتارىن مٷلتٸكسٸز ورىنداۋعا, قار تازالاۋشى تەحنيكالارعا كەدەرگٸ كەلتٸرەتٸن جەرگە كٶلٸك قويماۋعا, ارنايى تەحنيكانىڭ قاتارىنا تٷسپەۋگە شاقىرعان ەدٸ.
