بٷگٸن ەلورداداعى «ەمٸر» ەمبەباپ بازارى اۋماعىندا ٶرت بولدى. بۇل تۋرالى نۇر-سۇلتان قالالىق تٶتەنشە جاعدايلار دەپارتامەنتٸنەن مەلٸم ەتتٸ, دەپ حابارلايدى "ۇلت اقپارات".
«بٷگٸن ساعات 16-14-تە نۇر-سۇلتان قالالىق تجد ٶرت سٶندٸرۋ بٶلٸمشەسٸنە الاش تاس جولى 29/2 مەكەنجايىنان شاقىرتۋ تٷستٸ. وقيعا ورنىنا بارعان كەزدە «ەمٸر« ەمبەباپ بازارىندا بولجامدى اۋماعى 300 شارشى مەتر بولاتىن قويما عيماراتىنىڭ شاتىرى ٶرتەنٸپ جاتقانى انىقتالدى», - دەپ اتاپ ٶتەدٸ ۆەدومستۆودان.
ٶرت سٶندٸرۋشٸلەر ساعات 17-08-دە جالىننىڭ بەتٸن قايتاردى. قازٸرگٸ ۋاقىتتا ٶرتتٸ تولىقتاي سٶندٸرۋ جۇمىستارى جٷرگٸزٸلٸپ جاتىر. تٸلسٸز جاۋمەن كٷرەسكە ٶرت سٶندٸرۋ قىزمەتٸنٸڭ 32 مامانى مەن 10 تەحنيكاسى جۇمىلدىرىلعان.
«قازا تاپقاندار مەن زارداپ شەككەندەر جوق», - دەپ ناقتىلادى دەپارتامەنتتەن.
