نۇر-سۇلتان قالاسى ەكٸمٸنٸڭ ورىنباسارى باقتييار مەكەن قالاداعى كەسٸپكەرلٸك نىساندارىنداعى زاڭبۇزۋشىلىقتار تۋرالى ايتتى, دەپ حابارلايدى قازاقپارات.
«تٶتەنشە جاعداي كەزٸندە كەيبٸر كەسٸپورىندار تاراپىنان ەرەجە بۇزۋ جاعدايلارىن انىقتاۋدامىز. قالادا كٷن سايىن قىزمەتٸنە رۇقسات ەتٸلگەن نىسانداردىڭ سانيتارلىق نورمالاردى ورىنداۋىنا قاتىستى پوليتسەيلەر ۆولونتەرلەرمەن جەنە ەكٸمدٸك ٶكٸلدەرٸمەن بٸرلەسٸپ, رەيدتەر جٷرگٸزۋدە», - دەدٸ ب. مەكەن.
ونىڭ سٶزٸنە قاراعاندا, تيٸستٸ مەرزٸمدە سانيتارلىق نورمالاردىڭ ساقتالماۋىنا وراي 15 نىساننىڭ قىزمەتٸ ۋاقىتشا توقتاتىلدى.
«ەكٸمدٸكتٸڭ موبيلدٸ توپتارى تۇراقتى تٷردە ەلەۋمەتتٸك ماڭىزداعى ازىق-تٷلٸك باعاسىنىڭ نەگٸزسٸز ٶسۋٸ مەن سانيتارلىق نورمالاردى ورىنداماۋ فاكتٸلەرٸن انىقتاۋعا قاتىستى رەيدتەر جٷرگٸزەدٸ. باعانى نەگٸزسٸز ٶسٸرگەن بٸرقاتار كەسٸپكەر جازالاندى. سۋپەرماركەتتەردٸڭ باسشىلارى ەكٸمشٸلٸك جازاعا تارتىلدى, ايىپپۇل سوماسى 100 ايلىق ەسەپتٸك كٶرسەتكٸشتٸ قۇرايدى», - دەدٸ ب. مەكەن.
بۇدان بۇرىن حابارلانعانداي, 20 سەۋٸردەن باستاپ ٶنەركەسٸپتٸك ەرٸ يندۋستريالدىق كەسٸپورىنداردىڭ جۇمىسى جانداندى.
اتالعان سەكتوردا 20 مىڭنان استام ادام جۇمىسقا كٸرٸستٸ. سونىمەن قاتار, قۇرىلىس سالاسىندا 40 مىڭعا جۋىق ادام جۇمىسىن جالعاستىردى.
