قازاقستان ۇلتتىق تاريحشىلار كونگرەسٸنٸڭ VIII وتىرىسىندا اباي ينتەراكتيۆتٸ كەشەنٸنٸڭ تۇساۋى كەسٸلدٸ, دەپ حابارلايدى "ۇلت اقپارات".
وتىرىس بارىسىندا اباي ينتەراكتيۆتٸ كەشەنٸنٸڭ تۇساۋى كەسٸلدٸ. كەشەندٸ قر بٸلٸم جەنە عىلىم مينيسترلٸگٸ عىلىم كوميتەتٸنٸڭ تاپسىرىسىمەن ل.گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ اباي اكادەميياسى عىلىمي-زەرتتەۋ ينستيتۋتى ەزٸرلەدٸ.
«بۇل كەشەن بٸرنەشە بٶلٸمنەن تۇرادى. ەڭ العاشقى بٶلٸم – اباي تۇعىرناماسى. اقىن زامانداستارى مەن ۇرپاقتارىنىڭ ەستەلٸكتەرٸ, ابايتانۋشى عالىمداردىڭ اكادەمييالىق زەرتتەۋلەرٸ وسىندا تولىعىمەن جيناقتالعان. ەكٸنشٸ بٶلٸم – ابايدىڭ شىعارماشىلىق ەلەمٸ. اقىن ٶلەڭدەرٸ مەن قارا سٶزدەرٸنٸڭ, پوەمالارى مەن اۋدارمالارىنىڭ ەرقايسى جەكە-جەكە اننوتاتسييالىق سيپاتتا تالدانعان جەنە ەر تۋىندىنىڭ تولىق مەتٸنٸ اۋديونۇسقا تٷرٸندە بەرٸلگەن», - دەيدٸ اباي اكادەميياسى عىلىمي-زەرتتەۋ ينستيتۋتىنىڭ ديرەكتورى ەرلان سايلاۋباي.
اتالعان كەشەندە وقىرمان اباي قارا سٶزدەرٸنٸڭ شىعۋ تاريحىمەن تانىسىپ, اۋديونۇسقادا تىڭداي الادى.
«كەلەسٸ تاراۋ – بەينەدەرٸستەر. بۇل تاراۋدا ابايدىڭ ٶمٸربايانى مەن شىعارماشىلىق مۇراسىن جاڭاشا بايانداۋ ماقساتىندا تانىمدىق اكادەمييالىق دەرٸستەر توپتاماسى بەرٸلگەن. دەرٸستٸ ابايتانۋشى عالىمدار وقىدى. سونىمەن قاتار, كەشەندە ونلاين كٸتاپحانا بار. ونلاين كٸتاپحانانىڭ ەرەكشەلٸگٸ – اقىن شىعارماشىلىعى تۋرالى بارلىق زەرتتەۋ, عىلىمي-تانىمدىق كٸتاپتار تسيفرلىق فورماتتا تولىق مەتٸندە قويىلعان. وقىرمان ٶزٸ قالاعان زەرتتەۋشٸسٸنٸڭ ەڭبەكتەرٸن وقىپ, تولىق تانىسا الادى. كەشەننٸڭ تاعى بٸر بٶلٸگٸ – جيدەباي-بٶرٸلٸ دەپ اتالادى. وندا ابايدىڭ جيدەباي-بٶرٸلٸ مەملەكەتتٸك تاريحي-مەدەني جەنە ەدەبي-مەموريالدىق قورىق-مۋزەيٸنٸڭ قۇرامىنا كٸرەتٸن سەمەيدەگٸ باس مۇراجايى, «الاش ارىستارى – م.ەۋەزوۆ» مۇراجايى, جيدەبايداعى ابايدىڭ مۇراجاي-ٷيٸ, شەكەرٸم مۇراجايىنىڭ فوتو-بەينەنۇسقالارى ورنالاسقان. كەشەننٸڭ تاعى بٸر مازمۇندى, ماعىنالى بٶلٸمٸ – 20 پوەزييا بٶلٸمٸ دەپ اتالادى. مۇندا اباي ٶلەڭدەرٸ نەگٸزٸندە 15 ارنايى قويىلىم تٷسٸرٸلگەن. قويىلىمنىڭ ەرەكشەلٸگٸ – كەسٸبي اكتەرلەر اباي شىعارماشىلىعىنىڭ مازمۇنىنا سەيكەس تاماشا قويىلىمدار ويناپ شىقتى», - دەيدٸ ول.
اتالعان شارا ەبۋ ناسىر ەل-فارابيدٸڭ 1150 جىلدىق, ابايدىڭ 175 جىلدىق مەرەيتويى جەنە «ۇلىق ۇلىس» – التىن وردانىڭ 750 جىلدىعىنا وراي ٶتتٸ.
