نۇر-سۇلتان قالاسىندا قوعامدىق كٶلٸك اقىسىن تٶلەمەگەن 170 مىڭعا جۋىق جولاۋشى انىقتالىپ, ايىپپۇل سالىندى. بۇل تۋرالى City Transportation Systems جشس كٶلٸكتٸك باقىلاۋ دەپارتامەنتٸنٸڭ مەنەدجەرٸ ازات تٶلەۋباەۆ مەلٸم ەتتٸ, دەپ حابارلايدى قازاقپارات تٸلشٸسٸ.
«بيىل جىل باسىنان بەرٸ كٶلٸكتٸك باقىلاۋ دەپارتامەنتٸنٸڭ قىزمەتكەرلەرٸ قوعامدىق كٶلٸك اقىسىن تٶلەمەگەن 170 مىڭعا جۋىق جولاۋشىنى انىقتادى. ونىڭ ٸشٸندە 8 مىڭ ادامعا ەكٸمشٸلٸك حاتتاما تولتىرىلىپ, ايىپپۇل سالىندى. جول اقىسىن تٶلەمەگەنٸ ٷشٸن 2 اەك نەمەسە 5834 تەڭگە كٶلەمٸندە ايىپپۇل قاراستىرىلعان», - دەدٸ ازات تٶلەۋباەۆ.
سونداي-اق, CTS ٶكٸلٸ اۆتوبۋس اقىسىن تٶلەمەگەن 170 مىڭعا جۋىق جولاۋشىنىڭ نەلٸكتەن تەك 8 مىڭى عانا جاۋاپقا تارتىلعانىن ايتتى.
«بۇل جەردە مەسەلە ادامگەرشٸلٸكتە. كەي جولاۋشىلار تٶلەماقى جاساۋدى ۇمىتىپ كەتەدٸ, كەيبٸرٸنٸڭ ينتەرنەتٸ ٸستەمەي قالادى, تاعى سول سيياقتى. ونداي جاعدايدا تٷسٸنٸستٸكپەن قاراپ, ەسكەرتۋ جاساي وتىرىپ, جولاقىنى تٶلەۋٸن سۇرايمىز. جالپى بٸزدٸڭ مٸندەت - قوعامدىق كٶلٸك اقىسىن تٶلەمەگەن جولاۋشىنى انىقتاۋ عانا, ودان ەرٸ مەسەلەمەن تەرتٸپ ساقشىلارى اينالىسادى», - دەيدٸ ول.
ونىڭ ايتۋىنشا, اۆتوبۋس اقىسىن كٶبٸنە جاستار جاعى تٶلەمەي جاتادى.
