ەلوردانىڭ پوليتسييا بٶلٸمٸنە 32 جاستاعى جەرگٸلٸكتٸ تۇرعىنداردىڭ بٸرٸ كەلٸپ, بەلگٸسٸز بٸرەۋدٸڭ اقشاسىن الداپ العانىن ايتىپ, شاعىمداندى, دەپ حابارلايدى قازاقپارات نۇر-سۇلتان قالاسى پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
تەرگەۋ بارىسىندا جەبٸرلەنۋشٸ اۆتوكٶلٸكتەردٸ ساتۋ سايتىنان «تويوتا كامري 70» ماركالى كٶلٸكتٸڭ 12 ملن تەڭگەگە ساتىلىپ جاتقانى تۋرالى جارنامانى كٶرگەنٸ انىقتالدى. ساتۋشىسى كٶلٸگٸن شۇعىل اقشا قاجەت بولعان سوڭ ارزان باعاعا ساتىپ جاتقانىن ايتقان. كٶلٸكتٸ قاراپ شىققان جەبٸرلەنۋشٸ ونى 11 ملن 700 مىڭ تەڭگەگە ساتىپ الماق بولىپ, كەلٸسٸپ, سول مەزەتتە 11 ملن تەڭگەسٸن بەرەدٸ. ال كٷدٸكتٸ كٶلٸكتٸڭ كٸلتٸن تابىستاپ, ماشينانى قالعان سومانى بەرگەن سوڭ قايتا رەسٸمدەۋگە ۋەدە ەتكەن.
تەرگەۋ كەزٸندە الاياقتىڭ اتالعان كٶلٸكتٸ جالعا الىپ, كەيٸن ساتىلاتىنى تۋرالى حابارلاندىرۋ بەرگەنٸ انىقتالعان.
ەلوردا پوليتسەيلەرٸ جەدەل-ٸزدەۋ شارالارى بارىسىندا بۇرىن سوتتالعان 36 جاستاعى ەر ادامدى الماتى قالاسىنان ۇستادى. ول ۋاقىتشا ۇستاۋ اباقتىسىنا قامالدى. قر قىلمىستىق كودەكسٸنٸڭ 190-بابى بويىنشا سوت الدىنداعى تەرگەۋ امالدارى جٷرگٸزٸلۋدە. قازٸرگٸ كەزدە پوليتسەيلەر كٷدٸكتٸنٸڭ ەرەكەتٸن زارداپ شەككەن ادامداردى انىقتاۋ ٷستٸندە.
نۇر-سۇلتان قالاسىنىڭ پوليتسييا دەپارتامەنتٸ ازاماتتاردى كٶلٸك ساتىپ الۋ كەزٸندە قۇجاتتارعا مۇقييات بولۋ قاجەتتٸگٸن ەسكەرتەدٸ.
