Elordanyń politsiia bólimine 32 jastaǵy jergilikti turǵyndardyń biri kelip, belgisiz bireýdiń aqshasyn aldap alǵanyn aityp, shaǵymdandy, dep habarlaidy QazAqparat Nur-Sultan qalasy Politsiia departamentiniń baspasóz qyzmetine silteme jasap.
Tergeý barysynda jábirlenýshi avtokólikterdi satý saitynan «Toiota Kamri 70» markaly kóliktiń 12 mln teńgege satylyp jatqany týraly jarnamany kórgeni anyqtaldy. Satýshysy kóligin shuǵyl aqsha qajet bolǵan soń arzan baǵaǵa satyp jatqanyn aitqan. Kólikti qarap shyqqan jábirlenýshi ony 11 mln 700 myń teńgege satyp almaq bolyp, kelisip, sol mezette 11 mln teńgesin beredi. Al kúdikti kóliktiń kiltin tabystap, mashinany qalǵan somany bergen soń qaita rásimdeýge ýáde etken.
Tergeý kezinde alaiaqtyń atalǵan kólikti jalǵa alyp, keiin satylatyny týraly habarlandyrý bergeni anyqtalǵan.
Elorda politseileri jedel-izdeý sharalary barysynda buryn sottalǵan 36 jastaǵy er adamdy Almaty qalasynan ustady. Ol ýaqytsha ustaý abaqtysyna qamaldy. QR Qylmystyq kodeksiniń 190-baby boiynsha sot aldyndaǵy tergeý amaldary júrgizilýde. Qazirgi kezde politseiler kúdiktiniń áreketin zardap shekken adamdardy anyqtaý ústinde.
Nur-Sultan qalasynyń Politsiia departamenti azamattardy kólik satyp alý kezinde qujattarǵa muqiiat bolý qajettigin eskertedi.
