سەۋٸر ايىنىڭ ەكٸنشٸ جارتىسىندا نۇر-سۇلتان تۇرعىندارىن جاپپاي ۆاكتسينالاۋ باستالادى.
بۇل تۋرالى نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ ايتىپ بەردٸ, دەپ حابارلايدى قازاقپارات.
«سەۋٸردٸڭ ەكٸنشٸ جارتىسىندا حالىقتى جاپپاي ۆاكتسينالاۋعا كٸرٸسۋدٸ جوسپارلاپ وتىرمىز. قازٸرگٸ ۋاقىتتا حالىقتىڭ دەكرەتتەلگەن توبى ەكپە الىپ جاتىر: دەرٸگەرلەر, پەداگوگتار, شۇعىل قىزمەتتەر, ەلەۋمەتتٸك مەكەمەلەردٸڭ كونتينگەنتٸ. سونىمەن بٸرگە بٸز سوزىلمالى اۋرۋلارى بار ادامداردى ۆاكتسينالاۋدى باستادىق. وسى تۇستا تٷسٸنٸسپەۋشٸلٸك تۋىنداپ, تۇتاس حالىقتى ۆاكتسينالاۋ باستالىپ كەتتٸ دەپ ويلايتىندار بار ەكەن. يە, بٸزدٸڭ كەيبٸر ەمحانالارىمىز ۆاكتسينالاۋدى باستادى, بٸراق بۇل سوزىلمالى اۋرۋلارى بار ادامدار عانا ٷشٸن, بٸز مۇنى ەسكەرٸپ, ولاردى بٸرٸنشٸ ۆاكتسينالاۋعا تىرىسامىز», - دەدٸ ت. مۇراتوۆ ەلوردا ەكٸمدٸگٸندە ٶتكەن ونلاين بريفينگتە.
سونىمەن بٸرگە, باسقارما باسشىسى ۆاكتسينالاۋدىڭ تەگٸن جٷرگٸزٸلەتٸنٸن ەسكە سالدى.
«بٸز ۆاكتسينالاۋدى ۇيىمداسقان تٷردە جٷرگٸزەمٸز. ەمحانالار, ەگۋ كابينەتتەرٸ ارقىلى ٶزٸمٸز شاقىرۋعا تىرىسامىز, بٸراق قاجەتتٸلٸك تۋىنداسا, موبيلدٸ توپتاردى قوعامدىق ورىندارعا جٸبەرۋٸمٸز مٷمكٸن. كٷن جىلىنعان سوڭ, بۇل نۇسقا قاراستىرىلادى», - دەيدٸ ت. مۇراتوۆ.
