ەلوردا ەكٸمٸ التاي كٶلگٸنوۆ ەل استاناسىندا سالىنىپ جاتقان ورتالىق ازيياداعى ەڭ ٷلكەن مەشٸتتٸڭ قۇرىلىس بارىسىمەن تانىستى, دەپ حابارلايدى "ۇلت اقپارات" قالا ەكٸمٸنٸڭ Instagram-داعى پاراقشاسىنا سٸلتەمە جاساپ.
«قالادا رەسپۋبليكا مەن ورتالىق ازيياداعى ەڭ ٷلكەن مەشٸتتٸڭ قۇرىلىسى جٷرٸپ جاتىر. نەگٸزگٸ كٷمبەزدٸڭ بيٸكتٸگٸ شامامەن 90 مەتردٸ قۇرايدى, ال مۇنارالار 130 مەتر بيٸكتٸككە كٶتەرٸلەدٸ. مەشٸتتٸڭ سىيىمدىلىعى - 30 مىڭ ادام. قۇرىلىس ەلباسى نۇرسۇلتان نازارباەۆتىڭ تاپسىرماسى بويىنشا دەمەۋشٸلٸك قاراجات ەسەبٸنەن جٷرگٸزٸلۋدە. بٷگٸن وسى مەشٸتتٸڭ قۇرىلىس بارىسىمەن تانىستىم. ول قابانباي باتىر مەن مەڭگٸلٸك ەل داڭعىلدارىنىڭ اراسىندا ورنالاسقان. ٶز تاراپىمىزدان ينجەنەرلٸك جەلٸلەر مەن كوممۋنيكاتسييالاردى تارتۋ جۇمىستارىن جٷرگٸزەمٸز. سونداي-اق اۋماقتى اباتتاندىرىپ, اعاش وتىرعىزامىز» دەلٸنگەن جازبادا.
قالا باسشىسىنىڭ ايتۋىنشا, بۇل مەشٸت ەلٸمٸزدٸڭ تۇرعىندارى ٷشٸن عانا ەمەس, تۋريستەر ٷشٸن دە تارتىمدى نٷكتەگە اينالادى.
