ەلوردا اۆتوبۋستارىندا جولاۋشىنىڭ بەت-جٷزٸن تانۋ ارقىلى جولاقى الۋ جٷيەسٸ ەنگٸزٸلەدٸ. بۇل تۋرالى بٷگٸن «IPay» جشس قۇرىلتايشىسى الماس ايمەنوۆ ايتتى, دەپ حابارلايدى قازاقپارات.
«بيومەترييانىڭ كٶمەگٸمەن بەت-ەلپەتتٸڭ سۋرەتٸ ارقىلى تٶلەم جاساۋدى ەنگٸزبەكپٸز. Telegram-دا بوت قۇردىق. وندا سٸز ٶزٸڭٸزدٸڭ جسن-ٸنٸڭدٸ, سۋرەتٸڭٸزدٸ, اۆتوبۋس كارتاڭىزدى تٸركەۋ ارقىلى جٷيەگە ەنە الاسىز. ودان كەيٸن مەلٸمەتتەرٸڭٸزدٸ پايدالانۋعا رۇقسات بەرەسٸز. مۇنان ارى تەلەفونىڭىزدى نەمەسە تٶلەم كارتاڭىزدى ٶزٸڭٸزبەن بٸرگە الىپ جٷرۋ ارقىلى اۆتوبۋستا بيلەت ساتىپ الا الاسىز», - دەدٸ ول «قوعامدىق كٶلٸك: رەفورمالار جەنە دامۋ جولدارى» اتتى كونفەرەنتسييا بارىسىندا.
ونىڭ اتاپ ٶتۋٸنشە, جٷيە بارىنشا قاۋٸپسٸز.
«بٸز قاۋٸپسٸزدٸك شەگٸنٸڭ كريتەرييلەرٸن كٶتەردٸك. جٷيەمٸز 95 پايىزعا دەيٸن دەل تانيدى. ەگەر جٷيەنٸڭ تانۋ دەڭگەيٸ 80 پايىزدان تٶمەن بولسا, وندا جولاۋشىعا كامەراعا تاعى بٸر مەرتە قاراۋ تۋرالى ٶتٸنٸش جاسالادى. باستاپقىدان-اق جٷيە جولاقىسىن تٶلەمەگەن ادامداردى ۇستاۋ ٷشٸن ەمەس, جولاۋشىلاردىڭ قولدانۋىنا ىڭعايلى بولۋى ٷشٸن جاسالعان. شىنىمەن دە وسى جٷيەنٸ پايدالانعىسى كەلگەن جولاۋشى كامەراعا تۋرا قاراپ, بيلەت الا الادى», - دەدٸ الماس ايمەنوۆ.
كومپانييا قۇرىلتايشىسىنىڭ سٶزٸنە قاراعاندا, تٶلەمنٸڭ مۇنداي جٷيەسٸن قولدانۋ بارىسىندا جولاۋشىنىڭ سۋرەتٸ جٷرگٸزۋشٸ الدىنداعى مونيتوردان كٶرٸنٸپ تۇرادى.
«جالپى, بۇل تولىقتاي قازاقستاندىق ەزٸرلەمە سانالادى. وسىعان ۇقساس جٷيە بولۋى دا مٷمكٸن. دەگەنمەن, بٸزدٸكٸنٸڭ تٶلەم جاساۋعا دا مٷمكٸندٸگٸ بار», - دەدٸ ول.
