نۇرسۇلتان نازارباەۆ حالىقارالىق ەۋەجايىنىڭ اتقارۋشى ديرەكتورى دەۋلەت حامزين كارانتيننەن كەيٸنگٸ العاشقى الماتىدان ۇشىپ كەلەتٸن رەيسكە دايىندىق تۋرالى ايتتى, دەپ حابارلايدى قازاقپارات.
«ەۋەجاي 30 ناۋرىزدا جابىلدى, سوڭعى جولاۋشىلار رەيسٸنە قىزمەت كٶرسەتتٸك. قازٸر 1 مامىردا الماتى – نۇر-سۇلتان العاشقى جولاۋشىلار رەيسٸن قارسى الىپ جاتىرمىز. بٸز بارلىق قاجەتتٸ شارالاردى جاسادىق: ەۋەجاي عيماراتىنا كٸرەبەرٸستە ارنايى پوست قويىلدى جەنە تەرٸس نەتيجە كٶرسەتكەن COVID-19 انىقتاماسى بار جولاۋشىلار عانا كٸرە الادى. بارلىق جولاۋشىلار تەك ماسكامەن جەنە قولعاپپەن كٸرگٸزٸلٸپ جاتىر. ەۋەجايدىڭ بارلىق جەرٸندە ارنايى قاشىقتىق ساقتالىپ, سانيتايزەرلەر قويىلعان», - دەدٸ دەۋلەت حامزين ەۋەجايدا جۋرناليستەرمەن كەزدەسۋدە.
«كٷنٸنە ەكٸ رەت تازالاۋ جۇمىستارى جٷرگٸزٸلٸپ, بارلىق نەگٸزگٸ ورىندار دەزينفەكتسييالانۋدا. ەۋەجاي جولاۋشىلار مەن رەيستەرگە قىزمەت كٶرسەتۋگە دايىن دەپ ەسەپتەيمٸز. 170 ٶندٸرٸستٸك پەرسونال رەيستەرگە قىزمەت كٶرسەتٸپ جاتىر. ەر اۋىسىمدا 40 ادام شىعادى», - دەدٸ سپيكەر.
ونىڭ ايتۋىنشا, ەۋەجايدىڭ جۇمىس ٸستەمەۋٸنە بايلانىستى اۆياتسييالىق جەنە اۆياتسييالىق ەمەس كٸرٸستەر نٶلگە جاقىنداپ, كەسٸپورىن بەلگٸلٸ بٸر شىعىنعا ۇشىراعان.
«شىعىننىڭ ناقتى كٶلەمٸ ەسەپتەلٸپ جاتىر. بۇدان بٶلەك, ەۋەجاي سانيتارلىق-ەپيدەميولوگييالىق شارالاردى قامتاماسىز ەتۋگە, ونىڭ ٸشٸندە قىزمەتكەرلەر ٷشٸن دەزينفەكتسييالاۋ قۇرالدارىن, جەكە قورعانۋ قۇرالدارىن, كوستيۋمدەردٸ, سانيتايزەرلەردٸ جەنە تاعى باسقا زاتتاردى ساتىپ الۋعا ايتارلىقتاي قوماقتى قاراجات جۇمساعان. كارانتينگە دەيٸن تەۋلٸگٸنە 200 رەيسكە قىزمەت كٶرسەتتٸك. كارانتين كەزٸندە ورتاشا ەسەپپەن تەۋلٸگٸنە 20 رەيس بولدى. ەۋەجاي بوس تۇرعان جوق. بٸز ترانزيتتٸك جەنە جٷك رەيستەرٸن تارتۋ بويىنشا كٶپتەگەن جۇمىستار اتقاردىق. گۋمانيتارلىق رەيستەرگە قىزمەت كٶرسەتتٸك», - دەپ تٷيٸندەدٸ د.حامزين.
ەسكە سالايىق, بٷگٸن الماتى مەن ەلوردا اراسىندا ەۋە قاتىناسى جانداندى.
بۇدان بٶلەك, 4 مامىردان باستاپ قازاقستاندا بٸرقاتار ەۋە رەيستەرٸ قايتا ٸسكە قوسىلادى.
