نۇر-سۇلتان قالاسىنىڭ ەكٸمٸ التاي كٶلگٸنوۆ شەشٸمٸن تابۋدى تالاپ ەتەتٸن ەلوردانىڭ ەڭ ٶزەكتٸ ٷش مەسەلەسٸن اتادى, دەپ حابارلايدى قازاقپارات.
«بٸرٸنشٸسٸ – بۇل سالىمشىلاردىڭ مەسەلەسٸ. قازٸرگٸ تاڭدا قالادا 50-گە تارتا پروبلەمالىق نىسان بار. ولاردىڭ قۇرىلىسى 5 نەمەسە 10 جىلدان اسىپ كەتكەن. ال سالىمشىلاردىڭ سانى 14 مىڭعا جەتٸپ وتىر. ولاردىڭ پروبلەمالىق ساناتتا جٷرگەندەرٸ – 10,5 مىڭ ادام. بٸز مەملەكەت باسشىسىنىڭ تاپسىرماسى بويىنشا مينيسترلٸكتەرمەن بۇل مەسەلەنٸ شەشٸپ جاتىرمىز. ەر ٷي بويىنشا ناقتى مەحانيزم بار», - دەدٸ التاي كٶلگٸنوۆ ٷكٸمەت وتىرىسىنان كەيٸن تٸلشٸلەردٸڭ سۇراعىنا جاۋاپ بەرە وتىرىپ.
ونىڭ ايتۋىنشا, اتالمىش مەسەلەدە ارىز بويىنشا داۋلار, ينۆەستورلار مەن سالۋشىلارعا قاتىستى مەسەلەلەر, سالىمشىلاردىڭ ٶز اراسىنداعى كەلٸسپەۋشٸلٸكتەر سەكٸلدٸ سۇراقتار بار.
«مٸنە, سول سەبەپتٸ, ەر ٷي بويىنشا جەكە جۇمىس جٷرگٸزٸلۋٸ تيٸس. وسى جىلى 10 ٷيدٸ پايدالانۋعا بەرسەك, كەلەسٸ جىلعى كەزەكتە تاعى 15-ٸ تۇر. الداعى 3 جىلدا جاعدايدى تٷپكٸلٸكتٸ ٶزگەرتكٸمٸز كەلەدٸ», - دەدٸ شاھار باسشىسى.
ەكٸمنٸڭ ايتۋىنا قاراعاندا, ەلوردا ٷشٸن ٶزەكتٸ ەكٸنشٸ مەسەلە – قالا شەتٸن اباتتاندىرۋ.
«16 كەنت, قوسىلعان تۇرعىن ٷي كەشەندەرٸندە قالا حالقىنىڭ 25 پايىزى ٶمٸر سٷرٸپ جاتىر. ونداعى حالىق سانى – 280 مىڭ ادام. وعان قاتىستى سۇراقتاردى دا ٷشكە بٶلٸپ وتىرمىز: بٸرٸنشٸسٸ – ينفراقۇرىلىم, ەكٸنشٸسٸ – ەلەۋمەتتٸك نىساندار, ٷشٸنشٸسٸ – اباتتاندىرۋ. جىلى ايالدامالار, اۆتوبۋستاردىڭ باعدارلارىنا كەلگەندە قالا شەتٸندەگٸ تۇرعىندار بٸرشاما قينالاتىنىن جاسىرمايمىز. بۇعان قاتىستى مەملەكەت باسشىسىنىڭ جەكە تاپسىرماسى بار. الداعى ٷش جىلدىڭ جوسپارى بەكٸتٸلگەن», - دەدٸ ول.
التاي كٶلگٸنوۆ ٷشٸنشٸ مەسەلەگە ەلوردانى گازداندىرۋ جۇمىسىن جاتقىزدى.
